無罩港女搭的士冇錢畀 演「苦情戲」稱月花萬元Call車

昨日（12日）早上10時許，Facebook群組「的士司機資訊網 Taxi」流傳兩段影片。影片內容及上載者的留言顯示，一名港女乘的士歸家，惟到達目的地發現沒錢付車資，要求歸家拿錢，司機則要求港女叫家人前來付款，兩人因此發生爭執，港女下車後更咒罵司機「轉頭撞車死」。影片在網上惹起熱議。

根據視頻，昨日早上8時許，一名港女搭的士無錢畀，要求歸家拿錢，司機則要求港女叫家人前來付款。該名港女不忿，疑一度聲稱被人非禮、強姦，司機於是報案求助。二人在等候警察期間繼續爭執。港女向司機表示：「唔好玩啦。」司機隨即反駁：「我問你畀錢，你無錢畀我，又話我非禮，又話我強姦你，又話挾持，咁樣叫我玩你？我掂又無掂過你，咁你無錢畀我，咁我唔報警咁點？」港女隨即答道：「咁慢慢等（警察）囉。」司機則說：「我做生意我無錢收咁點阿？你夜晚返工無錢收，你返嚟為興趣啊？唔好玩啦。你無錢畀話返上屋企，個個客都咁，咁我唔使做啦，我去邊度搵你？」

其後多名警員到場處理事件，該女子一度啜泣，並向警員稱：「我日日都係Call車，你可以Check任何一個的士台，無任何一個的士台唔識我囉。我一個月搭萬幾蚊的士，我日日都搭的士出入。」其間女警要求她先戴上口罩，女乘客翻找後聲稱「跌咗」。其後女乘客的爸爸到場，開始指責司機，「你做咩咁講我個女呀」。最後，該名女子下車，更回頭指罵司機「你仆街啦，你轉頭撞車死啊。」影片隨即完結。