《無綫節目巡禮2023》今日（11日）在將軍澳電視廣播城舉行，全台花旦爭妍鬥麗，「胸」群出動非常吸睛。
少有性感打扮蔡思貝一身低胸紅裙配白襪仔，突出四吋長事業線。黃智雯亦不枉多讓，Deep V黑裙騷胸。超短綠裙騷長腿的陳自瑤非常風騷，其他花旦包括視後林夏薇、劉穎鏇、胡定欣同樣樣悉心打扮，露肩又露腰。
蔡思貝和黃智雯被問到為何如此性感？她們說向來不是走性感路線，被指為全場「峰」頭躉、身材最勁的蔡思貝竟大爆被「非禮」，她說：「我哋女仔之間都會互相鹹濕大家，頭先我一嚟到，陳瀅就揭高我條裙。（有冇打底？）OK嘅。（為何轉行性感路線？）現在放假趁有機會扮靚些,好平時少有機會。」
蔡思貝今年只拍了一部劇集《你好，我的大夫》，她說：「劇中個角色不是太輕鬆，因為好多文言文要講，講對白時要流暢專業，就算去到28號先收工，返到屋企都要睇埋劇本先至瞓」，黃智雯聞言即笑她是被虐狂。
以Deep V上陣的黃智雯，說因要抓緊機會扮靚：「因為依家開緊劇，冇乜機會扮靚，我個角色仲要係戴眼鏡，見今日呢個隆重日子，所以扮靚啲。」她說先後拍了3部劇集包括內地劇集《隱娘》、無綫新劇《隱門》及《再見‧枕邊人》，現計劃在下月生日時去旅行慶祝，目的地未定：「邊個地方有機票就會走，真係好耐冇休息，Chur到盡，身體話我知需要休息。」
（點新聞特約記者陳惠芳報道）
收藏
取消收藏
分享
