由李思捷主持的第二季《思家大戰》，昨晚（6日）播出的一集嘉賓有陳奐仁（Hanjin）率領的「Keep fit仁」隊，成員包括Hanjin健身好友楊醫生John Yeung、Kenny Sir黃耀建、三項鐵人運動員Lawrence Wong及「蜘蛛女」鄭麗莎；及許家傑率領的「Mr. HK」隊，成員包括前香港先生黃祥興、鄭健樂、姚亦澧及黃建東。許家傑自爆與馬國明之間的瘀事。
許家傑自爆與視帝馬國明的搞笑對話：「有一次同佢合作拍劇，佢問我點入行，我話選香港先生，佢再問我係邊屆、冠軍係邊個，我就話都係我」，引來全場大笑。至於玩得之人Hanjin則化身「氣氛擔當」，全場表現Hyper的他答問題時動作多多，又瘋狂發射心心，與家傑對戰時又High爆衝去攬對方，非常搞鬼。
這集有一條問題「的士唔想載你嘅理由」，Hanjin竟然答同個樣有關，並自信十足讚自己靚仔過思捷，再次引得哄堂大笑。經過一番激戰，「Keep fit仁」隊以536分擊敗54分的「Mr. HK」隊，惟「Keep fit仁」隊最終差兩分與5萬港元獎金及獎品擦身而過，非常可惜。
（點新聞特約記者陳惠芳报道）
收藏
取消收藏
分享
稿件由上傳 · 文責自負 · 不代表本網立場
