港姐冠軍林鈺洧等今日（30日）出席曲奇慈善義買活動，對於近日父親林俊賢與母親Jasmine展開罵戰，「表姑姐」馮鎵瀠（Naomi）加入戰團，指Jasmine自編自導講大話，林洧鈺直言這是上一代的事，她沒有很不開心。
林鈺洧說：「我冇唔開心，最多都係少少啫！上一代事我唔清楚，唔知他們發生什麼事，我只知道專注自己的生活，以及事業上發展，他們的事唔關我事。(是你父母）我覺得佢哋似小朋友，已經冇大家嘅聯絡方式，以前靠我中間傳話，依家係你哋（指記者），多謝！（媽咪話爸爸以前唔肯照顧你喎。）我冇聽過，真係乜都唔知。（成長環境會令你對婚姻產生恐懼嗎？）揀伴侶一定會揀擇啲，同埋覺得女仔要有自己嘅事業先得。遇到合適人我還是會結婚。」
問及有否覺得娛圈男星多引誘，不會同圈中人拍拖，她坦言：「我唔係揀行業，我係嫁畀個人，所以持開放態度。（信林俊賢打你媽媽？）唔知喎，佢個樣唔似。（會否破壞爸爸在妳心目中嘅形象？）都冇形象。（有問過爸爸嗎？）唔想知，真係冇乜所謂，有時情侶打吓交耍花槍都幾開心。至於表姑姐好少見，大家好疏離。（媽咪有否不開心？）其實佢做完記者訪問之後，都已經冇再留意新聞，因為佢唔識得上網搵，我亦唔會講佢知！」
（點新聞特約記者陳惠芳報道）
相關報道：
收藏
取消收藏
分享
