無綫台慶劇《下流上車族》，昨晚一集飾演車志明的林敏驄再獻感人喊戲。
劇情講到志明和老婆江美儀吵架，事後重修舊好，在開車載老婆上班期間突然錫了老婆一啖並真情剖白：「多謝老婆，你係我嘅天使！」接着更淚崩說：「我同老小三（毓霞）講嘅嘢全部都係真，嗰時阿媽走咗，喺我最Down嘅時候有你出現，畀咗啲希望我，仲畀埋頭家我……」，心疼老公的雯慧即錫番志明並作出安慰：「我要多謝你就真，你肯搵我做你老婆。」此時喊到口都震埋的志明再說：「係我累你冇咗層樓，仲要返嚟舊屋做工人……」，畫面十級催淚。
驄哥受訪時透露當日一Take過完成拍攝：「事前講好曬要點拍，試嗰時係冇喊出嚟嘅，到真係Roll機就喊咗出嚟，拍完呢場戲見到啲化妝、服裝同事企曬出嚟，佢哋話感動到喊。」美儀姐亦指幕後同事睇到喊，她又指因為這場戲得悉驄哥是性情中人：「嗰場戲係開工第二日就拍，亦都係佢第一場喊戲，同埋呢場係佢自己話要喊嘅，我都畀佢感動到！」提到該場她錫了驄哥一啖，美儀姐笑言：「劇本冇寫嘅，都係隨住個心同埋感覺做出嚟。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
