美麗戰場｜蔣家旻劇中害人終害己　網民坦言「未試過睇得咁開心」

無綫台慶劇《美麗戰場》，昨晚（20日）一幕蔣家旻飾演的「反骨琪」被姦戲，在網上掀起連番熱討。網民洗版式留言大嗌心涼兼抵死，對於壞人逐個開始「找數」，坦言「未試過睇得咁開心」。

蔣家旻原本打算害陳瀅失身給李成昌飾演的威爺，還自攜攝錄機欲拍下陳瀅被姦的過程公諸於世。豈料威爺手下「叛變」迷暈家旻，並與陳瀅調包，最終「反骨琪」慘遭強姦。威爺滿足獸慾後更露出奸險真面目，以二人性愛片段要求她任其魚肉及接客，她盛怒下拿起生果刀怒拮威爺，不過真正殺死威爺的兇手另有其人。

談及該場被姦戲，蔣家旻受訪時大讚昌哥事前與她做足溝通，開拍前對對方所有動作都一清二楚；又感謝幕後對她很照顧，加上有打底，故拍攝時都能很放心去演。不過由於擔心自己「做得唔夠好」，拍攝前一晚已有壓力，她說：「因為場戲好多情緒要處理，由化妝開始我已經要躲埋一邊。」她更大爆葉念琛搞笑要求，「導演希望我嗌救命嘅程度，係佢喺隔離房都聽到，我都覺得好合理。如果現實中咁樣嘅話，真係會有咁大聲嗌到咁大聲，希望有人聽到可以救你。我就用盡全身嘅力嗌到全塊面都紅晒，拍完嗰場虛脫到要飲汽水補充糖分。而且我冇諗過自己嗌到可以手、頸都紅晒，有史以來第一次咁，好真實！」

（點新聞特約記者陳惠芳報道）