早前有指英國鄰居不滿港人太嘈搞到要搬家，原來就連同路人都頂唔順，有移英黃絲在網上大呻，新到英國嘅港人鄰居日日都家嘈屋閉，永無寧日，令佢好似日日畀人鬧埋一份咁！深受困擾嘅黃絲話，當踏出家門，作為同樣是香港人，頓然顯得無地自容，都不自覺地頭耷耷，唔想畀人誤會自己就是發出聲浪而令人生厭的一家人。
該名黃絲在帖文指，近排搬入嚟的一家四口鄰居，因初嚟報到，面對很多不同的問題，而出現焦慮的情況。每日一起身就吵吵鬧鬧，隔住牆都聽到佢哋喺講統正廣東話鬧交，仲試過半夜被嘈醒咗瞓唔番。雖然，樓主有諗過拍門當面同佢地講叫佢哋靜啲，但「大佬呀，佢地又粗口橫飛（老少都講）人又多，一陣問我『關你咩事？』又或者集中火力日日鬧我一個咪ＧＧ？」
樓主在帖文大數鄰居一家噪音擾民的情況，話「我都唔明白點解好多中年人都鍾意開住Speaker 大聲講電話，大聲到我坐晌隔離屋都聽到佢哋某啲閑話家常嘅內容」，又形容鄰居媽媽獅吼功果然不同凡響，真係聞名不如見面，話明白她可能係好想第一時間表達意見或者憤怒嘅情緒，但就令樓主都好似畀她鬧埋一份咁。樓主又提到，曾在晚上聽到好急速嘅敲嘢聲，好似有急事而敲門，但應門又唔見人喎，後來才知原來係隔離屋鬧緊交，喺咁用嘢敲個牆身鬧鬧鬧，唔係敲佢度門囉。
樓主直斥「原本寧靜嘅環境都畀你地搞彎晒喇！」希望鄰居一家不如好好考慮一下，一齊坐低落嚟，平心靜氣咁傾呢？咪再一開金口就要鬧鬧鬧。
歡迎到Apple/Google play store下載 「點新聞」app
iPhone App： http://apple.co/2MxsmE1
Android App： http://bit.ly/36EmZtD
華為App： https://urldra.cloud.huawei.com/ezfJy81ETm
或直接進入點新聞網站瀏覽最新最準的新聞資訊：
使用其他社交媒體訂閱點新聞
YouTube: youtube.com/c/dotdotnews點新聞
Instagram: instagram.com/dotdotnews
收藏
取消收藏
分享
