今年蟹季受到內地天氣熱影響，供港大閘蟹時間推遲及數量減少，導致本港零售蟹價今年貴一兩成，蟹迷不願捱貴蟹，加上疫下經濟差影響，於是紛紛轉戰坊間的限時任食平價大閘蟹放題，貪其四五百元就可一次過任食大閘蟹，過足蟹癮。而坊間的大閘蟹零售商則大吐苦水，今年蟹季開始至今，生意異常淡靜，期望蟹公供港後，配合價格回落，生意可望回升。
蟹季開始，擁有4.8萬名會員的香港大閘蟹關注組，不少會員近期頻頻分享到坊間的大閘蟹放題食肆狂食大閘蟹的親身體驗，除了價錢是否夠平，蟹的質量和重量，供應是否充足等來個真實評分。不少蟹迷點評時，更大晒自己一次共食了數十隻蟹的喜悅，過足癮又為到皮費。
位於新蒲崗的上海新大眾大閘蟹專門店因應蟹季開始，今年又再推出90分鐘大閘蟹任飲任食放題。香港大閘蟹關注組會員會員Candy日前就去過上海新大眾，她指，「兩個人食咗30隻蟹。呢度大閘蟹我覺得清蒸最好食。」會員魏先生則指，「蟹乸冇乜問題，蟹公完全唔得，但埋單共食咗30幾隻蟹。」
放題有人狂啃半百蟹
上海新大眾負責人昌哥笑言，有客人能夠90分鐘挑戰食到40至50隻大閘蟹。而蟹季開始至今，客人訂枱反應熱烈。
香港大閘蟹關注組會員Kai Lin光顧銅鑼灣瀛豐放題料理，她指，「以前曾幫襯過，今年大閘蟹質素Keep住水準，好新鮮好多膏，一個人都食咗20隻大閘蟹。」會員Winmay Lee指，「今年去咗荃灣陶源酒家食大閘蟹，6點半去到，蟹質素幾好，隻隻都爆膏，只有2隻有少少苦味。最後我食咗18隻，朋友食咗13隻，好飽同滿足了。」
步入10月，蟹公上周開始供應本港，售價亦較蟹乸略平。想食平蟹自然要到著名的大閘蟹零售集中地的上環永樂街，本報記者上周六直擊永樂街多家老字號大閘蟹專門店，如廣隆行老闆王先生表示，由於該店於江蘇有自家養殖場，大閘蟹全部自行運抵發售，大大減低代理商等中轉人費用，故即使今季大閘蟹價上漲，售價只貴了少少。有專程來廣隆行買大閘蟹的街坊李太表示，個人比較喜歡6両起的蟹公，今次準備買4隻回家與家人品嘗，並打算以消費券支付。
不過，今年由於內地天氣過熱，影響大閘蟹生長，預期今個蟹季（10至12月），運港的大閘蟹「又細又貴」，零售價貴達20%，普遍零售商對銷情不感樂觀。老字號九龍城肥仔號大閘蟹專門店發言人表示，今年蟹季剛開始不久，但對比去年市道好靜，加上蟹來貨價和運費上升，所以成本也增加，但公司堅持買3送1活動，所以售價仍較行家便宜，但蟹季開售至今，市況淡靜，今年都不知可以做到幾多生意。
她並指，今年蟹價確實貴了少少，大概上升15%左右，蟹供應也較緊張。她續稱，「比起以前，今年經濟差咗好多，客人都係買幾隻過吓癮就算 ! 」
蟹價料將先升後回
網購食品商日日餸發言人指，今年有不少食肆加入大閘蟹零售市場，競爭增加不少。而公司進口的太湖大閘蟹的來貨價大約貴了20%，零售價則大約升10至15%，當然對零售會有影響。不過，由於大閘蟹本月抵港數量開始回復正常，售價應該會下調，回復去年水平。他續稱，今年生意增長可能和上年相若，消費券第二期本月開始派發，對大閘蟹零售會有些少幫助。
大閘蟹雖然美味，但對股民而言卻是一種「忌諱 」 ，而且可謂又愛又恨。 事關大閘蟹代表手上股票箍得緊緊 ， 「坐 艇」沽不得其正也；亦由於傳統股災月正是10月，今個月港股屢創新低， 下試17,000點低位，股民人心惶惶。而大閘蟹偏偏這個時候當造 ，所以每逢大閘蟹應市，如果股市又大跌的話，又有哪個股民會有興趣食大閘蟹呢？
中大商學院亞太工商研究所名譽教研學人李兆波表示，大閘蟹今年銷量難以樂觀有迹可尋，在經濟角度方面，本港經濟負增長、餐飲、零售和入境旅遊受到疫情重創，加上今年股市持續跌市都影響市民消費意慾。而在風水角度方面，大閘蟹現在就代表 bad luck，兩者加起來，今年大閘蟹銷量自然較差了。
收藏
取消收藏
分享
