陳瀅在《美麗戰場》擔正做女主角，早前於台慶55周年亮燈記者會中，陳瀅拍大合照時被安排站在藝員首行的中間位置，被解為力捧花旦，而網民對其演技大讚，更指是視后熱門人選。日前她接受一網上節目訪問，對於能否爭贏視后抱隨緣心態，但因導演葉念琛對她期望很高令她感到很大壓力。
陳瀅現受力捧，之前她又受過委屈嗎？她直言曾遭女藝人向高層「篤背脊」，陳瀅說：「佢上咗某個阿姐（高層）嘅房，喊晒咁話，我唔明點解要俾佢（演某劇集）囉，我喺度咁辛苦咁多年，佢又唔係咁好喎，聽講佢又成日遲到啦，佢又呢樣嗰樣……」此事其後傳落陳瀅耳中，「一定係聽返返嚟，我覺得好多人都好錫我，知道真正嘅我係點樣！」
另一次則是她拍被摑戲份遭遇委屈：「真係打咗好多次，不必要嘅多次！有一次因為嗰個男演員比較新，導演話照打落去啦，當時我亦都係好新，我拍一巴戲，好似打咗我十幾廿巴，打到最後嗰幾巴，我忍唔住真係好委屈，好想喊，因為真係好痛！最後都係俾人剪走咗，我最唔開心係俾人剪走咗成段戲！」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
