唔少黃絲羊群心態，一味跟風移民，正所謂「人離鄉賤」，近期陸續有移咗民嘅黃絲大呻外國生活不如理想。有移英港人日前就在網上發文，分享自己移居英國一年的心態調整，直言「要接受好多嘢唔係想像中咁美好」，話當地天氣難適應，食物選擇少，當地人的處事態度亦有很大分別。而他的外母更放棄BNO visa，將於下月1日回歸香港，唔再嚟返英國㖭。
該名移英港人在fb專頁「旅行十年」發文，提到最初到埗時覺得好新鮮，但之後會覺得無乜特別，咁就要好好調整心理，用唔同方法去適應生活遇到既落差問題。他首先提到天氣方面，「開頭以為自己唔怕凍應該會好易適應」，但發覺當地人在10度的氣溫淨係着短袖背心，他自言鍾意夏天勁討厭冬天，但英國有半年時間都算是冬天，絶對唔易過。他提到自己已特登揀「有山行有海灘」的威爾斯(wales)，可惜當地9月天氣已經得10度，並指冬天很漫長，尤其11月開始較慢1小時，下午4點就天黑都算，「最慘係冬天會基本上日日落雨，隔個星期就打風，成日橫風橫雨，莫講話去玩，出街都未必想。」
食物方面，樓主表示，最初見到超市好大好興奮，但啱買既嘢唔多，雖然肉類平過香港，質素唔錯，但海鮮、蔬菜、生果好少選擇。惟出街食仲攞命，其所在的城市卡迪夫(Cardiff)的餐廳選擇甚少，大部分時間都是吃炸魚薯條、漢堡、牛扒及意粉之類。
樓主亦提到，要學會接受當地人的處事態度，指有時候致電客戶服務熱線時，等好耐不特止，「有時仲傾得唔like，會cut 你線，甚至鬧翻你轉頭，香港係無可能發生」。另外送貨，遲到無通知好正常，完全無到都好正常，「啲人做嘢真係好無交帶，唯有再追多幾次」。而預約看家庭醫生亦「難過登天」，「成日無得畀你睇，有時要將個病情講得嚴重啲，或者唯有自己買藥食算啦」。樓主概嘆「感覺氣餒係好正常」，指居住時間久了便需要逐漸接受當地人的處事手法。
樓主還在另一帖文透露，「外母會係11月1日回歸香港，唔再返嚟，放棄BNO visa」，話對他們來講絕對係一個好大嘅挑戰，因為需要在照顧家庭和工作安排上作出調整，期望可以順利過渡咁話。
歡迎到Apple/Google play store下載 「點新聞」app
iPhone App：http://apple.co/2MxsmE1
Android App：http://bit.ly/36EmZtD
華為App：https://urldra.cloud.huawei.com/ezfJy81ETm
或直接進入點新聞網站瀏覽最新最準的新聞資訊：
www.dotdotnews.com
使用其他社交媒體訂閱點新聞
YouTube:youtube.com/c/dotdotnews點新聞
Instagram:instagram.com/dotdotnews
收藏
取消收藏
分享
