同偶像張家輝合作 偉霆親拍打戲：「唔衰得畀佢睇」

由張家輝、陳偉霆及譚俊彥主演的英皇電影《爆裂點》今日（30日）在中環開工，老闆楊受成專程到場支持。家輝與偉霆在片中不乏對手戲，於現場互笠高帽，家輝更讚偉霆身手敏捷。

家輝說：「他拍打戲很像電動車叉滿電般，敏捷過依家嘅我，我當年都好敏捷，依家就遲鈍咗啲！」談到早前拍跳天橋拗柴受傷，家輝指事發2周仍未完全康復，如拍跑同打戲需要就力。

久未拍港片的偉霆，笑指感覺舒服，因幾個月只專心一套戲，由於拍攝初期家輝不了解他，遇上高難度場口時，不時問他能否應付：「我係唔衰得畀佢睇，所以演出時要搏命，大部分動作戲都盡量自己做。」更指家輝受傷當日原定不用他上場，但他仍願意嘗試跳，首take順利通過，至第2 take才受傷，但事後家輝堅持完成當日戲分，問到是否封對方為偶像？偉霆表示：「一直都係。」對於為拍該片推不少內地工作，偉霆指不能用錢衡量，問到與何穗拍拖傳聞，偉霆不斷以專心工作來回應，貪玩的家輝即揶揄他，偉霆卻笑說：「我同阿媽拍拖，擺阿媽上枱。」

譚俊彥則透露已有7年沒有拍電影，現時感覺既新鮮又熟悉，更指與同片的陳偉霆，早於10多年前合作過電影《出軌的女人》，黃又南也曾不只一次合作過，反而與張家輝卻首結片緣。他在片中演奸角留鬚造型已維持了幾個月，加上要曬黑皮膚，令日前現身兒子小一面試時，老師們也被其一身打扮嚇親：「成個毒梟咁，都真係幾驚，我仲要戴埋口罩，佢哋見我個樣咁奇怪，以為我精神有問題，不過呢個造型要Keep到月尾，稍後仲要去馬來西亞拍。（好多打戲？）我幾乎全部都係打戲，有場戲同又南打，佢都食得我好勁。（有冇受傷？）大家都有，但都係皮外傷。」

（點新聞特約記者陳惠芳報道）

相關報道：

張家輝女兒極罕曝光　似足關詠荷

（有片）譚俊彥拍月餅廣告憶童年　離港時以視頻隔空陪伴家人