點新聞 ｜ 每日點新聞 點解香港事

藝人陳煒昨日（26日）與陳國強醫生已正式簽字成為夫婦，二人晚上於酒店設宴，大批圈中好友到場祝賀。其中朱晨麗更接到新娘拋的花球，暫時未有男友的她表示「一切隨緣」。

宴會約在晚上8時開始，煒哥穿上長婚紗、在恩師鄭偉強的陪同下進入會場。鄭偉強之後就將煒哥交到陳醫生手中，並説：「你一定要好好對佢，如果唔係我唔會放過你。You are a lucky guy！」二人眾親友見證下交換戒指，並且在眾人起哄下三度親吻。

之後煒哥向在場的好友一一道謝，煒哥謂：「首先要好感激鄭偉強先生陪我進場，喺呢度無人比佢夠有資格。因為佢係主宰我呢26年嘅演藝人生嘅好重要嘅一個人，當年如果唔係佢喺垃圾桶執番我份報名亞洲小姐履歷資料，就肯定冇今日嘅陳煒。」她又特別感激曾勵珍（珍姐），因為珍姐甚少出席藝人的婚禮，但昨晚仍在百忙中抽空到場，感激珍姐的愛錫。當煒哥提到鮑起靜時，對方更是激動得熱淚盈眶，場面相當感人。

煒哥答謝完各位好友後，輪到新郎哥發言。新郞哥更趁機說出「愛的宣言」，答謝老婆，他表示：「要多謝嘅人，佢都講曬。我想講，我以前叫佢Honey，但今日之後會改口，叫佢陳太或者老婆。過往佢陪伴咗我4年，呢段時間係我人生中，最開心嘅日子，多謝你，I love you！」在場人士拍爛手掌。到尾聲的拋花球環節，在場原來只有兩位單身女士，在朱晨麗及江美儀的熱烈競爭下，結果由朱晨麗成功奪得。

（點新聞特約記者陳惠芳報道）

相關報道：

婚紗首飾逾七位數　陳煒獲老公承諾照顧一世

陳煒甜嫁醫生男友　嫁衣新相「金光閃閃」