港姐冠軍林鈺洧今日（26日）亮相無綫亮燈儀式。她透露父親林俊賢在她獲獎後已第一時間以短訊恭喜她，對於有指她獲獎後受訪的言論不尊重父親，她解釋：「佢知我講乜，因為係佢教我講。」
林鈺洧之前在ViuTV節目《對號入座》中大膽談性史，她表示：「已經過咗去，希望大家集中我當選以及未來一年嘅港姐工作，我以前細個因為工作關係要講，其實個節目係講星座，唔係關於嗰方面。（你畀人話係性女冠軍?）時間沖淡一切，未來我會履行港姐職責。（擔心影響港姐形象嗎？）我行得正企得正，我本身係個正直嘅人，冇做缺德事。（之後慎言？）當然，今次上咗好大一課，冇諗過身為公眾人物，講句說話會Last咁耐。（有冇後悔上呢個節目？）唔後悔，每個節目都訓練到唔同方面。」
對於林鈺洧被形容是「性女港姐」，而季軍梁超怡有紋身也能當選，志偉力撐她們：「其實歷屆港姐有啲都有紋身，只係遮得好，而且紋身已經好普遍都係時代趨勢。至於冠軍，我哋唔會翻佢舊賬，每個人都有過去，見到佢進步好大，之前好大隻，比賽期間減咗10公斤，呢個唔容易，加上佢答問環節係好彩，揀中喜怒哀樂嘅題目，唔使答，只做表情，其實佢初時唔係最高分，答問環節搶到好多分。」
提到之前港姐泳裝被批評少布，志偉指未有因相關言論而更改泳衣設計，設計全交由設計師負責，問到無綫會否就相關言論有進一步行動？他說：「冇，我之前一直冇出嚟講，因為坊間回應畀我自己回應更好。（有冇因為被點名批評而唔開心？）冇所謂，我嘅高度係咁，我唔平望唔通望天咩，一笑置之。（覺唔覺得今屆港姐多是非？）歷屆都係咁上下，今年算少，可能因取消了準決賽，亦因此總決賽有19位參賽佳麗要取消了一些才藝表演環節。（有指聲夢學員表演太長？）一班小朋友是表現追夢，難得上紅館舞台，不過是在11個環節中分1個給他們。」
（點新聞特約記者陳惠芳報道）
相關報道：
收藏
取消收藏
分享
