準人妻陳煒（煒哥）早前接受無綫娛樂新聞台《星光路上》訪問，她罕有大談與亡父相處點滴。她坦言由於父親離世時年事已高，接受他離世事實不算太難，反而最難過的是自己心中的關口：「我覺得自己好少時間陪伴喺佢身邊，係過唔到自己嗰一關。」
煒哥坦言父親雖然沒有說出口，但她清楚感受到對方以自己為榮：「我知道佢成日攞我啲相畀佢啲朋友睇，會好開心聽到人哋讚美我。」煒哥透露由踏入十八歲開始，陳父每年都會為她拿取「香港小姐」報名表格，只是煒哥當時因為害羞未有予以理會：「着住泳衣行嚟行去咩，唔得架嘛。」問到有沒有承諾過父親要做出成績？煒哥即哽咽說：「其實冇特別講呢啲，2018年我拎到『最受歡迎電視女角色』，同馬國明一齊夾份搞慶功，我都有請爹哋嚟……（開始淚崩並以紙巾拭淚）當時爹哋係好開心可以分享到我嘅喜悅。」
說回選美，煒哥笑指之後因為化妝師朋友鼓勵她多開眼界才決心參選亞姐；雖然憑亞姐冠軍身份入行更一開始便可當女主角，但煒哥卻因而碰釘無數。煒哥指當年便被鄭則仕鬧得好甘：「因為佢要求好高，令我短時間內急速成長。25年前如果冇佢，我相信我今日成績應該冇咁好。因為Ken帶領，令到我慢慢知道咩叫演戲。」煒哥坦言不介意加盟無綫後重新「由低做起」、或是需要性感演出；反而她覺得最大挑戰是演霸氣角色：「同我本人性格落差太大，本身我把聲好柔弱，依家慢慢練到粗豪晒。因為要做有氣勢嘅角色，你必須用到丹田嚟講對白，好攰！尤其《宮心計2深宮計》，攰到不得了。」
煒哥在《黯夜守護者》戲份最重，她還說「好開心可以同到展鵬合作，起碼十幾年冇同佢合作，依家佢好成熟同好MAN。」
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
