李佳芯（Ali）為慈善機構「耆智園」宣傳關注腦退化症的短片《伴》正式在網上首播。今次Ali為慈善「豁出去」，首次身兼演員、導演、監製及編劇四個崗位，更邀請到資深導演兼演員張同祖（祖哥）和她分飾父女。
Ali沒有製作經驗，一切由零開始。她四出「拍膊頭」找幕後朋友幫忙，在埋班初期曾經因為壓力太大而萌生放棄念頭。她說：「初初以為慈善project唔需要好多錢，所有嘢諗得太簡單，到叫人幫手做嘢時，發現要搵到合適嘅人做合適嘅崗位真係唔易，當下真係好徬徨無助，有時係到諗我咁辛苦為乜呢？老實講我一蚊都冇收，既然唔係為賺錢，點解我要攞苦嚟辛呢？」幸好她最後找到電影編劇幫忙寫劇本，加上祖哥在幕前幕後的幫忙，才令Ali放下心頭大石。
不過，Ali當初找祖哥因他已多年未有在幕前亮相，祖哥答應過程也不容易：「我托朋友聯絡祖哥，但他唔知我係邊個，亦冇睇過我作品。我send資料畀佢後，過咗幾日見冇回音，我就膽粗粗約他飲茶以表誠意，第一次見面他已經在劇本俾了很多意見，最後見多幾次面才打動他答應演出。」Ali大讚祖哥不但沒有計較酬勞，在拍攝時又分享執導經驗。
Ali籌備歷時一年作品終於面世，她透露本來打算舉行首映禮廣邀長者及傳媒好友，奈何疫情現時仍反覆不定，最後決定將首映移師到網上發布：「我諗深一層，我搞首映最多都係幾百人入場睇，但呢個project受眾更多先會令成件事更有意思，所以最後選擇以網上形式搞首播，大家都可以免費睇到，影響力先會更加大。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
