《開心無敵獎門人》昨晚（8日）在電視城錄影，參演這集嘉賓有黃宗澤（Bosco）、蔡思貝、陳煒及陳敏之等，「獎門人」曾志偉以《怪獸公司》的阿Boo造型亮相，結果被錢嘉樂問他想點？志偉戲言：「最近被人追到甩褲，冇褲着，被人追《獎門人》飛呀！一張可以換一張飛機票。」志偉又指陳煒好事近，人都靚了。之後各人玩遊戲擺甫士趴地又夾胸，獎門人要他們扮藝人經典甫士，兩隊隊員分別扮梅艷芳、羅文、陳百強、張國榮及徐錦江等，全部都是獎門人的老友。
Bosco表示自己是《獎門人》節目常客，早年曾與苗僑偉及張家輝玩過，最難忘和張家輝玩一字馬吹蠟燭遊戲，玩到大腿內側好痛。問到Bosco今次有沒有先熱身拉筋？他說沒有，因不用玩這個遊戲。至於濕身就無問題，已經帶衫及底褲更換。蔡思貝則稱首次上《獎門人》，所有經典遊戲都想玩，不過沒有帶多套衫，笑言濕完又乾又是一條好漢。
最近吳卓羲参與內地綜藝節目，憶述在TVB拍劇辛苦經歷，試過七天沒睡覺，Bosco說：「我勁過佢，賀歲片及劇集同時兼顧，廠接外景，有11、2日冇瞓，司機及助手要輪更，我幾想有替身。（辛唔辛苦？）梗係辛苦，冇得瞓，不過是一個過程，好多TVB出來的藝員特別捱得。」思貝稱拍劇最多四日沒睡覺，經歷令她難忘。
（點新聞特約記者陳惠芳報道）
更多閱讀：
收藏
取消收藏
分享
稿件由上傳 · 文責自負 · 不代表本網立場
