黃子華（子華）、潘燦良（阿燦）主演的舞台劇《最後禮物》，昨日（23日）晚第25場於謝幕時，子華突然宣布再加開10場，並於8月26日（周五）公開發售。
昨晚演出過後，子華、阿燦帶領一眾演員謝幕。觀眾歡呼鼓掌時，子華突然說「有個特別消息公布！其實都唔係好關你地事。呢個消息係我哋會加開十場！」觀眾歡呼聲再四起，「如果你哋今晚睇完之後，有少少不滿意，你等我哋星期五加咗場賣曬飛你先好去同人講你嘅不滿。但如果你真係不滿，我要恭喜你，因為你個家庭一定好幸福。咁重有朋友想睇，你哋就幫我話聲佢哋聽....」語畢又令觀眾拍爛手掌，笑聲滿場。
阿燦表示，實在很感謝觀眾的熱情支持，「香港仲有好多好嘅演出等緊大家去支持，係我哋同期，或者跟住後面重有好多唔同題材又精彩嘅舞台劇，大家可以去睇埋，嚟緊中秋節，香港人要支持香港電影！」
之後子華及阿燦均表示眨眼就已經做了25場，比想象中日子過得要快。阿燦謂有一點累，子華就笑謂，「佢真fit過我，我就攰到每日都虛脫。」這次《最後禮物》口碑載道，觀眾要求再加十場，創下疫情中最多場數舞台劇紀錄，但仍有很多觀眾買不到飛，外間要求加多廿場都唔嫌多，子華聞言即回話，「唔好再加啦！十場夠啦！原則上我想做埋聽日就休息添呀。但係知道真係好多人想睇到一個咁好嘅制作，咁好嘅表演.....加上我發現好多人睇完之後，個劇帶俾佢地好多反思，對佢地有一個『好』的影響。有睇過都知，我地個劇係講家庭，所以我先搏埋條命做多十場。我哋係孫悟空就好啦，可以做幾百場，但係五十場對我嚟來講，真係盡啦。」阿燦：「舞台係神聖嘅，得咁多就咁多。」子華：「真係同生命一樣，如夢如幻如泡影....」阿燦：「不論係演個個，同睇個個都要好好珍惜佢，舞台價值先存在。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
