王祖藍擔任主持《有個閨密叫祖藍》，「孖祖」除了搞笑，還盡訴心中情，詳細訪談內容收錄在myTV Gold的加長版中。加長版中，祖兒會大談恩師羅文，並坦言來到今時今日、方能完全明白當日對方教誨。
祖兒說：「羅記教我唔好咁緊張人哋點睇自己，好多嘢要放鬆。我有時會走去羅記屋企訴苦講心事，當時我仲覺得（誤會）佢唔理我。」談到「孖祖」小學畢業後重逢，原來也與羅文有關：祖藍透露當他仍在演藝學院讀書，祖兒已入了行，並因羅文演唱會二人同場；祖藍續指當時知道他與祖兒關係的同學仔都八卦祖兒會否認得祖藍，祖藍說：「當時我話：『人哋咁紅，認得都唔認啦』，講完呢句，一打開度門，你就出嚟，你一見到我：『王祖藍』，所以我話祖兒係好好。」
製作組找來二人的小學老師及小學同學以錄像或錄音形式「亮相」節目，所有人均對祖兒讚不絕口；其中祖兒小學二年級認識的好友黃翠紅，更含淚分享與祖兒的Precious Moment，令祖兒甚至祖藍都感動得淚如雨下：「我係轉校生，祖兒係我入到間學校，第一個邀請我做朋友，同問我叫咩名嘅人。跟住到大學，佢開始入行、好辛苦。最記得有一晚，佢半夜發開口夢，坐咗起身話：『我要飲珍珠奶茶』，跟住瞓番。作為朋友，佢絕對係兩脇插刀，隨時會伸出緩手，好重情義嘅朋友。」祖兒指與黃翠紅及另一黃姓女同學當時是「三劍俠」，祖兒當年更因翠紅與無綫藝人黃翠如種下「恩怨」：「（翠紅）細個畀妹蝦，我就想打佢個妹，佢個妹就係翠如。」
（點新聞特約記者陳惠芳報道）
收藏
取消收藏
分享
