金曲頒獎禮｜劉德華有留意MIRROR及ERROR　盼有合作機會

娛樂 2022.07.24 23:23:49

分享至 :

久未返無綫的劉德華，今晚（24日）為《香港金曲頒獎典禮2021/2022》擔任頒獎禮開場表演嘉賓，帶領炎明熹等新一代歌手獻唱金曲。他在受訪時直言有留意MIRROR和ERROR兩個組合，希望有機會合作。

華仔笑言:「一班新人唱《17歲》時，我都想衝出去一齊唱。」問到一班新人當中較深印象有誰？華仔認為這樣講會不公平，但有留意MIRROR和ERROR兩個組合，希望有機會合作。華仔表示未有具體計劃出新歌，但對自己有信心，可以嘗試出歌再爭獎。對於兩個台合併頒獎，華仔指以前都有四台聯頒，他希望由兩個台開始，以後幾個台一齊搞一個頒獎禮，「希望可以帶到嘅感覺。」至於今晚並非每間唱片公司都出席，華仔表示︰「係呀，一個商業市場，你哋都明㗎啦﹗」

問到可會再返無綫拍劇？華仔婉轉表示，拍完電影會返內地再拍另一部戲，過年前返香港準備拍《拆彈專家3》，電影工作排至2023年。至於何時再在紅館演唱？華仔就說要一些時間，或會先舉行小型騷見見粉絲。提到他的歌曲《倒轉地球》翻HIT，華仔表示早前在髮型屋撞見陶大宇都有講起，笑言希望大宇唱多兩首，下次自己再開個唱想邀大宇一齊唱。