由林峯、黃浩然、周秀娜主演《黑金風暴》逢星期一至五晚上8時30分於香港開電視播映。林峯與黃浩然在劇中聯手調查真相、緝拿兇手。鏡頭前二人Man到爆，偶有針鋒相對的場面，鏡頭後二人卻是相識多載、無所不談的好兄弟，在拍攝期間升呢做爸爸的林峯，更不時向黃浩然取育兒經。
林峯與黃浩然雖然相識多載，但今次才是合作最多對手戲的一次，二人在開拍前更相約商討角色演繹，黃浩然透露二人過往曾飾演相似角色，但今次如何突破演技是有一定難度。林峯說：「近年都多演警察角色，但今次唔同嘅係同好兄弟浩然合作，之前我哋有拍過古裝戲，講到最多對手戲，今次係第一次。其中我最難忘一場戲，係我個角色畀浩然鬧到冇得反駁，嗰場戲佢好MAN，英雄救美得嚟，有啲喜感又可以帶出兄弟間嘅矛盾。」
談到拍攝期間榮升新手爸爸的林峯，自爆經常向黃浩然請教心得，期間林峯更慫恿已為兩子之父的黃浩然追多個囡，令黃浩然哭笑不得：「嘩，我唔好搞喇！你最好追番個，一囝一囡。」林峯聞言表示受落，更指：「承你貴言。」
提到今次劇集有不少動作場面，未知作為新手爸爸的林峯可有特別錫身？林峯表示沒有：「喺安全情況下，自己做到都自己做，好少用替身。」該劇演員還有吳啟華、吳岱融、熊黛林等，就連林峯也表示這是首次在一套劇中遇見這麼多香港演員，而黃浩然則說：「有好多我好欣賞嘅演員，飾演我上司嘅吳啟華，今次終於可以同佢合作，依然係咁nice、咁風度翩翩嘅前輩。」
（點新聞特約記者陳惠芳報道）
更多閱讀：
收藏
取消收藏
分享
