MIRROR成員盧瀚霆（Anson Lo）日前到電台接受鄭裕玲（Do姐）主持的《口水多過浪花》訪問，對於MIRROR即將舉行首個紅館演唱會，Anson直言唱歌未夠好。
Anson強調說:「我只係講我自己，我好驚我唱歌唔夠好，我自己唱歌方面一定遜色過其他歌手，一定係有啲好不足嘅地方，要用時間去改善，但改善的時間同我本身工作會有衝突，因為如果你要有時間去做自己能力上的訓練，咁我就少咗時間去做其他工作，但能力訓練係好緊要，但其他工作唔代表唔緊要。」
MIRROR眾成員皆要兼顧拍戲、拍廣告及出活動，Anson續說︰「你冇得全神貫注去做歌手呢個職業，變相你就要拍戲拍劇，仲要接廣告，呢個係好貪心嘅多元身份，咁你就要用最大嘅努力平衡多個身份，最驚平衡唔到，因為是但一個範疇做唔到嘅時候，就會令到自己一部份嘅樂迷失望。」
（點新聞特約記者陳惠芳報道）
更多閱讀：
收藏
取消收藏
分享
