王浩信、李幸倪、朱晨麗、蔣家旻、姚子羚及應屆港姐宋宛穎、梁凱晴、邵初、楊培琳等，今日（7日）到沙田馬場出席活動。王浩信表示因疫情關係，已很久未踏足馬場，對上一次入馬場都是出席活動，好開心今日可以出席。問到可有投注？他說:「我唔係經常投注，有時會同朋友嚟會測試吓自己運氣，都ok嘅，因為身邊朋友識同有經驗，都有啲斬獲，今日第7場係重要賽事，加上我又係7月7號生日，諗住買7號。（落重注？）買少少，我唔係太投機既人，都驚有風險，而大會好好，請我嚟唱歌，我點都要回饋一吓。（攞晒酬勞去投注？）都要留返車馬費。」
近年王浩信與太太陳自瑤（Yoyo）近年屢傳婚變，而日前2人分別在社交網上載與女兒到主題樂園的相片，問到他跟女兒去玩，王浩信避談說：「屋企嘢唔多講啦。（係咪一家三口去？）屋企嘢唔講喇。」對於有網民質疑他們扮婚變製造話題，他說：「呢啲唔回應喇，講咗好多年。」另外，他又稱難得最近不用拍劇，故會在台慶當晚跟師弟一起表演唱歌，希望畀到精彩表演給觀眾看。
應屆港姐宋宛穎、梁凱晴、邵初、楊培琳盛裝到場，初次入馬場見識的宋宛穎說：「今次寓工作於娛樂，又可以着靚衫好咁近距離欣賞賽馬，啲人話第一次入場會有運，我都想試吓自己個運，會用100試吓運氣。」梁凱晴就笑言以往都是胡亂投注，但在場內遇見陳百祥（叻哥），知道對方的貼士好準，結果對方的貼士都全中，但因工作錯過落注機會，她說︰「我準備咗500蚊嚟玩，但唔係太識，以前都贏過少少錢，都係同屋企人開心吓。」邵初自言無中獎運，打算用100元跟大隊下注碰運氣。楊培琳就稱唔明白投注術語，打算用自己的幸運號碼10號去下注。
朱晨麗今日以粉紅色低胸長裙現身，清減了的她透露近日做瑜伽減肥，又表示間中都會陪父母入馬場，因他們喜歡睇賽馬，問到她可有趁機投注？她笑說:「我睇多過買，因為冇乜呢方面嘅運，希望今日可以嚟學習，（同父母夾份做馬主？）做代言就得，我未有資格去買。」談到工作，她表示近日忙於拍攝電影：「係一部槍戰電影，我唔使揸槍，只係會中槍，要扮受傷扮痛，覺得好好玩。」
在即將舉行的無綫台慶中，朱晨麗會跟40名女藝人一齊表演跳舞，昨日進行綵排時，她因身體不適而缺席，她說：「我頭暈所以就冇去綵排，可能因為休息唔夠，今日已經冇事，希望爭取時間同大家一齊排練，因為啲舞步都幾難、節奏又快，希望演出時唔會失誤。」
（點新聞記者梁靜儀報道）
收藏
取消收藏
分享
