袁和平（八爺）今日（28日）和導演蕭惠雄應邀到浸會大學出席《殿堂級動作導演袁和平大師班》講座，吸引近300名學生出席。
從影多年，八爺稱還是首次出席講座，今次答允出席都是因為朋友多次邀請，盛情難卻，也希望同學們了解電影。問到會否趁機發掘新血？他說：「最好有，但我怕好難，而家啲學生邊識動作，以前都有人學功夫，所以而家多數喺內地或美國物色動作演員，因為佢哋鍾意功夫多啲。」
自言多年來都沒有收徒弟的八爺，慨歎香港培訓動作演員好難，做主角的動作演員不多，好快會出現斷層，後繼無人：「因為香港電影主角除咗動作和外型好之外，又要有觀眾緣，之前曾有人提議我開動作學校，但我唔鍾意，因為做教學工作太困身，自己又唔得閒，如果用我個名開學校，自己都要盡責任去教，唔想只掛名，然後交畀人去教。」
同場的蕭惠雄則透露正計劃籌備動作實驗室，將動作和科技結合，培養下一代，日後會和浸大合作，邵氏也是考慮的合作夥伴，至於收生人數及費用方面仍未有定案。
說到習武最好從小學起，會否以小朋為主要對象？八爺說：「唔一定，2、30歲都可以學功夫。（現在的小朋友不能打？）我都無打過人，都係畀人打，但以前師父係比較嚴，教出來既人都fit啲，嚴師出高徒。」
（點新聞記者梁靜儀報道）
收藏
取消收藏
分享
稿件由上傳 · 文責自負 · 不代表本網立場
