點新聞 ｜ 每日點新聞 點解香港事

鄭裕玲（嘟姐）、王菀之和何廣沛主持的全新節目《男神廚房》，今日（14日）在將軍澳電視城進行拜神儀式，並邀得張敬軒(軒仔)、胡定欣、陳家樂及湯怡等擔任嘉賓。

嘟姐表示好開心軒仔來幫手，可以看他的廚藝是否了得，軒仔笑說:「食完應該冇乜事，但好唔好味就見仁見智。」軒仔透露平日會煮中餐，而今日就挑戰西餐，會煮西班牙紅蝦，事前他亦有找資深大廚補課應戰。問到他有多少勝算？他說：「我知道陳家樂係煮得之人，自己就『三鑊』水準。」說到他為何不教家中傭人「遮遮」煮食？軒仔說：「畀佢自由發揮，我人好，佢執嘢幾好，企理就ok，同埋佢有上家政班，我有啲飯食下，不過我出街食多。」嘟姐就笑說:「其實就算煮得唔好食都冇所謂，可以keep住瘦，呢個老闆真係好。」軒仔則笑指，瘦及營養不良是兩回事。

擔任總評判的嘟姐又稱平日很少下廚，但就好識食又嘴刁，而她的評分準則一定要色、香、味俱全，就算男神養眼，煮得唔好食都會扣分。被問到陸永及C君（鄭詩君）豈不是沒機會做嘉賓？她笑說：「冇㗎喇，兩個咁肉酸，邀請上節目係侮辱人啲。」軒仔認為各花入各眼。說到陸永及C君是賣才華，嘟姐再說:「大把人有啦，人哋(指軒仔)夠有。」站在嘟姐身旁的軒仔搞笑指，原來這是今日的「三煞位」。

（點新聞記者梁靜儀報道）