湯洛雯（靚湯）與知名大廚黃亞保今日（25日）到尖沙咀出席大型清酒活動。靚湯首次挑戰廣東海鮮擺盤，利用黃亞保烹調的「龍蝦撈起」擺出一道海鮮料理，並用醬汁劃了多個心心。
靚湯表示喜歡吃海鮮，間中亦會下廚煮海鮮餐。活動上介紹日本清酒，問到她平日會否喜歡飲酒？靚湯說：「食飯時都會飲少少清酒，最近就鍾意飲柚子酒，我鍾意飲細細杯，紅酒太大杯反而唔係好鍾意。(男友馬國明又是否愛飲酒？）有時食西餐就會飲少少，打邊爐就唔會飲酒。」靚湯又指男友和自己的酒量都不算太好，男友有時為怕她揸車有危險，都會叫在外面不要飲酒。問到靚湯可有試過酒後亂性？她笑說：「我同男友都彼此信任，唔worry會酒後亂性，我都試過醉酒，會起『酒癩』，酒後對女仔會特別親切，幾年前同高海寧（高Ling）去日本，我哋兩個都唔係好飲得嘅，有晚大家飲完酒之後攬住哭訴心聲，不過而家少見面，好少一齊飲酒。」
提到馬明近日拍攝的新劇《隱形戰隊》，劇中與唐詩詠會有床戲，靚湯表示有睇報道都知道，並說：「我拍《OPM》同黃嘉樂有床戲，睇劇本都覺得幾勁吓，我同導演要求用意識形態交待，(性感尺度？)低胸露背都可以，露股就唔得，今次已到咗我嘅盡頭，因為新劇中我個角色會由平胸隆胸，會有谷胸場面，我一向唔係谷得好勁嘅人，對我嚟講都幾大膽，比較尷尬。」她又稱事前都有向男友提及，但不是報告，是尊重，男友都認為電視尺度有限，而他本身都好「佛系」。
另外，靚湯早前因為愛貓離世而心情低落，她表示最近心情已平復，目前仍有養兩隻貓及一隻狗，問到她會否再養多隻貓？她表示要睇緣份。
（點新聞記者梁靜儀報道）
收藏
取消收藏
分享
