候選港姐泳裝亮相 陳懿德馬嘉希身材豐滿力壓大熱

《2021香港小姐競選》24位候選佳麗今日（21日）首度以泳裝亮相，眾佳麗身段勻稱，大熱門陳聖瑜（Yvette）與梁凱晴（Carina）狀態大勇，而陳懿德（Rachel）及馬嘉希（Nichole）的豐滿身段同樣吸睛。

Rachel與Nichole受訪時，笑言擁有美好身段全靠母親優良遺傳。二人不約而同表示，面試時被評判要求減肥，Rachel更因而在個半多月時間內減了14磅，意志力可嘉。Rachel說「我主要係減鹽、減油、減糖、減澱粉、減調味，我本身又鍾意食嘢，所以都痛苦，但為咗比賽，都想盡最大努力」。她又指對現時體態感到滿意，只要保持而不會再減肥「我覺得選美心態好重要，唔好盲目追求最瘦先係最靚」，Nichole則指已按評判要求自然地減了兩、三磅，她並沒有刻意節食，只是靠做運動以達修身目標「評判話我係塊臉闊啲，但身型都ok的了。」

兩大熱門Yvette及Carina則笑言由於被看好，在晉級賽中被編排了在同一組，感情要好。Yvette指從Carina身上學會很多東西「佢笑得好甜好靚，企喺佢隔離都感受到佢嘅甜美，同埋佢好自律，呢樣我要學習」。至於Carina則謂「Yvette好靚，好識擺甫士影相；我又好欣賞佢好活潑、好鍾意講嘢，我自己份人就靜啲。」Yvette更謂很羨慕Carina小腹很扁平「我呢段時間Camping少去咗好多廁所，個肚唔夠平。」

準決賽及決賽將於8月22日（星期日）及9月12日（星期日）舉行。大會統籌經理何小慧稱，入營拍攝晉級賽已淘汰了4名佳麗，之後再會有佳麗陸續被淘汰，但具體人數則會稍後才作公布。