胡鴻鈞（Hubert）今日（12日）到新城電台宣傳新歌《整親》，同時為年尾頒獎禮拉票。
Hubert的新歌《整親》推出後反應理想，於4台中奪3冠1亞佳績，其MV點擊率更超過1百萬，為答謝fans支持，他日前便開視像跟fans傾偈，除了分享近況外，更有意外發現，他笑說：「大部分歌迷都係鍾意我個樣，同我一樣係外貌協會，我仲係榮譽會員。（咁膚淺？）又唔係，都鍾意我啲歌嘅！」問到最細fans幾多歲？Hubert笑指幾年前都有2、3歲的fans，現時應該5、6歲了。笑問是否只喜歡他一個？他說：「冇所謂，公平競爭，正如你搵另一半都係要揀，(你揀定未？)咩都揀緊，(你個緋聞女友蔡思貝近日因出風瘌要入院？)我有發訊息慰問佢，可能佢最近要拍兩套劇太忙，休息唔夠，免疫系統差啲，希望佢快啲好返。（心痛？）任何朋友有事都擔心。（煲湯畀佢?）我都唔識煲湯，佢自己搞掂㗎啦！」他又稱最近個心都唔舒服，因為最近要為新工作鍛鍊身體比較攰。
說到無綫跟四大唱片破冰後，他在年尾的音樂頒獎禮多了對手，Hubert表示對獎項抱平常心：「百花齊放嘛！（今年可有信心及可想獨攬男歌手獎？）隨緣啦。」他又謂最近睇選秀騷《聲夢傳奇》，覺得參賽學員前途無可限量，當中喜歡炎明熹的聲線及唱法，很有個人風格。
（點新聞記者梁靜儀報道）
收藏
取消收藏
分享
