鄭欣宜、菊梓喬(Hana)、林欣彤及陳柏宇等，昨晚（6日）到將軍澳電視城錄影《勁歌金曲》，當晚欣宜和林欣彤(Mag)合唱，欣宜表示跟Mag認識十多年，發覺彼此的聲底好夾，合唱時很和諧，可惜公開合唱只有兩次，其中一次唱live還要被cut。
ViuTV選秀節目《全民造星IV》，欣宜獲網民推舉擔任導師，不過她卻耍手婉拒：「痴線啦！我都未夠道行，未夠班，搞掂自己先啦，我覺得做導師要批評好落力唱歌既學員，唔好啦，好mean，好慘，好殘忍。」她表示因為今年剛轉新唱片公司，希望先做好唱片工作再打算，不過坦言如果邀請她上節目做評判或嘉賓唱首歌則無任歡迎。
Hana當晚獻唱劇集《刑偵日記》主題曲，提到新歌MV早前邀請姜皓文擔任男主角，Hana表示能夠跟型男合作相當好玩，問到她揀男友會否渴望這類型？她說：「我本身想要暖男多，心地善良，要好人重要過外型，亦唔介意對方髮量少，因可以戴假髮。」Hana又稱已單身一段時間，之前也曾心急拍拖，相信自己會遇到個好的。
提到《聲夢傳奇》即將進行決賽，問Hana睇好哪位？身為「星夢一姐」的她帶笑說：「佢哋個個都優秀，各有特色，揀唔到，(可擔心新一代輩出可會令她感到威脅？)算吧啦，我呢啲姐姐，唔會同後生鬥。」
（點新聞記者梁靜儀報道）
收藏
取消收藏
分享
稿件由上傳 · 文責自負 · 不代表本網立場
