歐陽震華（Bobby)、馬德鐘 (馬神)、陳瀅及鄭子誠等，今日（18日）出席劇集《伙記辦大事》宣傳，席上眾人又分組玩遊戲，重演劇中場面。
劇集星期日晚將大結局，Bobby被問到可有再拍劇計劃？他說：「未斟，睇吓拍咩，自己想做自編、自演、剪片同配埋樂，如果再拍劇就想做埋編劇，好似王祖藍咁。」他又指做了30多年正派角色，也想演奸角，但無奈無人敢試：「我個樣善良嘛，所以冇人敢試，驚孭鑊，分分鐘畀人鬧，因電視入屋。」
劇集將大結局，女主角萬綺雯就一直未有出席宣傳？Bobby說：「佢喺內地搞緊民宿，因為往來要隔離所以返唔到嚟，人哋日理萬機點返嚟宣傳，佢嗰啲大生意大茶飯，遲啲影城都搞埋。」Bobby又笑言要自薦為萬綺雯的民宿做代言人。
馬德鐘 (馬神)與陳瀅劇中有感情線，對於劇集進入結局周，陳瑩表示自己沒時間收睇，希望觀眾留意大結局，因為最好睇的戲都留也在今個禮拜播出。有追睇劇集的馬神就讚這兩星期的劇情好有話題性：「尤其係劇中賴慰玲好慘，自己個場官司睇到個心好噏，真係進入白熱化，都想睇陳瀅呢個卧底喺己身邊會發生咩事。」
對於有網民不滿陳瀅在劇中的戲份比主角萬綺雯、歐陽震華及馬德鐘還要多，令他們主角變配角，陳瀅就解釋：「係咩？都抱歉，如果我係佢哋啲fans都期待見佢哋多啲，但因為我角色喺卧底要貫穿曬佢哋，所以見我次數比較多，(可有為此唔開心？) 冇唔開心。」馬德鐘大讚陳瀅這個對手好好，整個過程非常愉快，大家合作好有火花，他們有多場戲都有耐內心交集，結尾還有一場戲兩個人好犀利的戲值得收睇。
對於有指無綫近期有個現象，很多劇集都借女一去捧女二？馬德鐘就代陳瀅解圍，指《伙記辦大事》是雙女主角，雙男主角，大家並列男一女一。問到是否因此令萬綺雯不敢返來宣傳？陳瀅指萬綺雯因在內地工作才沒返來。
另外，劇中飾演奸角的鄭子誠，表示戲中的迷姦戲拍得好辛苦，因要在狹窄又焗促下拍攝，但播出來的角色篇幅卻不成正比。
（點新聞記者梁靜儀報道）
收藏
取消收藏
分享
