藝人楊茜堯（前名楊怡）與羅子溢（前名羅仲謙）2016年結婚，去年誕下愛女羅翊心（小珍珠），不覺間小珍珠已經一歲了。兩人今日（16日）在微博上載和女兒搞了生日派對的温馨照片。
相中的兩公婆替同囡囡穿上「I Love Papa and Mama」的上衫，再襯公主裙；兩公婆就穿上「I Love my Baby」Tee，親子裝更顯溫馨。楊茜堯更留言親自解釋阿女乳名的由來：「你呱呱落地，袖珍的身子恍如一粒『小珍珠』，因此，婆婆給你取了這個名字❤️」她和老公都分別留言祝福囡囡，希望佢永遠健康快樂！
羅子溢指今年女兒首次過生日，所以特別為她搞個小型派對慶祝：「因為疫情關係，所以呢個小型派對其實都考慮咗好耐，最後都決定搞，個派對喺楊卓娜屋企舉行，我哋上網買咗啲布景板、砌啲圖案，訂咗蛋糕，同囡囡吹下蠟燭，留個紀念，等佢大個可以睇番。」
（點新聞記者陳惠芳報道）
收藏
取消收藏
分享
