張秀文、蔣家旻及敖嘉年等，昨（13日）晚到將軍澳電視城出席主演劇集《欺詐劇團》網上直播宣傳活動，該劇共有8集，將於今個月16日一口氣於myTV Gold上架。
張秀文與蔣家旻在劇中要化身成「AV女優」行騙，二人更以性感打扮影道具影碟封面相，秀文穿上性感內衣拍照，封面上更印有「最強素人」、「D Cup」等字眼，而家旻則要穿肚兜及被捆綁拍攝，製作認真。
秀文笑說：「好真實喎，佢寫D Cup（真係D Cup？）我32D，呢個係劇情小彩蛋，（要着性感內衣？）係我近期最性感嘅一次，希望可以擁有一隻留念。」秀文表示劇中飾演劇團女演員，有性感冷艷造型，首集講述她去找電影人投資開戲，要悉心打扮去見老闆給對方好印象，結果對方沒出現。
穿上短裙的秀文，被發現雙腿布滿紅印及瘀痕，她解釋因近日電視城好多蚊，加上之前綵排綜藝節目玩爭櫈仔遊戲時撞瘀了。
蔣家旻表示今次可算最性感演出的一次，她笑說:「劇中交代我着肚兜五花大綁，仲要喺民初街拍，有好多清兵喺隔籬，我戲中仲有個改藝名叫波多野莎莎。」對於其封面照上印有「貧乳」兩個字，她笑着否認︰「我都有啲(身材)嘅，相比下當然秀文好啲，咁我覺得自己都OK嘅，所以我臨時自己加咗句對白: 『乜我冇波咩？」她又指《欺》劇只是意識上比較大膽，如果原汁原味播出，觀眾應該會睇得好開心。說到她在台慶得獎後演出尺度較以前大膽？家旻說:「最緊要合情合理有得發揮就ok。」
敖嘉年表示已看過《欺》劇，更感動到喊了出來，他指劇本雖然好踩界，但搞笑得來又好過癮。近日同時要為《欺》劇及《伙記辦大事》宣傳的嘉年，被問到可會再與無綫合作？他說：「年尾同TVB再有合作，5月會先拍一部電影，依家同幕後搞緊個劇本。」
（點新聞記者梁靜儀報道）
收藏
取消收藏
分享
