點新聞 ｜ 每日點新聞 點解香港事

集香港十間電影公司合資拍攝抗疫片《總是有愛在隔離》，為電影基層人員作出支援。其中兩位男角張智霖及張繼聰，在戲中不惜犧牲色相、唱歌氹細路、浸足半日40度熱水、親身飛入車等等。

兩位男主角在戲中上演一幕「肉」帛相見搽蘆薈油，Chilam直言：「幫人按摩都唔容易，特別阿聰啲肌肉咁厚⋯⋯真係每個行業都有艱難嘅地方。」而阿聰就話：「好在同Chilam熟，所以犧牲色相都唔尷尬，如果同其他冇咁熟嘅人，可能會就住就住。」提到犧牲色相，也不及浸熱水浸足半日，阿聰表示：「以為有桑拿戲好爽，點知浸完冇得按摩，同埋我覺得我地好似打邊爐個爐入面既雜菜，出晒煙！」Chilam又說：「我哋浸到暈暈地，其實一班負責拍攝的劇組人員同我地一齊浸，佢地仲辛苦。」

不過，最大挑戰是其中一幕要唱大熱兒歌《Baby Shark》氹細路，兩人異口同聲都説好難，阿聰笑言：「作為歌手唱開啲複雜嘅歌，要唱呢啲簡單嘅旋律係有難度；但Chilam辛苦啲，冇乜點聽過呢隻歌。拍呢套戲都好開心，可以試到好多唔同嘅嘢，飛車、打鬥、唱歌、捽油等等，平時好少一套戲會試到咁多嘢！」講到飛車打鬥，戲中兩人本為仇家，一見面就鬥過你死我活，有一幕講述兩人打鬥後逃走，阿聰因趕上車要飛身入車，為親身上演這一幕，即場跟武術指導學習。

（點新聞記者陳惠芳報道）