魯振順今年63歲，入行40多年一直不見女伴出現身邊，演繹過無數角色，更令不少懷疑他的性取向。但魯振順日前接受范振鋒和林子博主持的新城節目《BiLiBALA開大喇叭》訪問時自爆婚訊，女友是41年前於歌唱比賽認識的女同學，計劃在抗疫成功後結婚。
魯振順表示，獲高人改名為「釋禧」後，重遇對方，又說女友比他年輕6年：「那時我們有一齊上堂，不過因為我要兼顧訓練班，邊有時間參加同學聚會，變咗唔算有太多交流，好奇怪，去年佢睇完我啲訪問後，了解咗魯振順，覺得原來我係咁慘，又覺得我好真，居然搵返我。」
魯振順又指相信緣份，可能是媽媽安排女友來照顧自己，他續道：「阿媽喺2017年走咗，嗰陣經歷過一啲事，有叫過阿媽帶埋我走，不過佢叫我要好好活下去，唔好亂諗嘢，點知冇耐女友就出現，連佢都話可能係阿媽派佢嚟陪我。當我第一次食佢包嘅餃子，一食就喊，因為同我阿媽包嘅味道一模一樣，感覺好Warm，所以就更加珍惜。」原來他一直想組織家庭，只是一直未有遇上，直至見到陳榮峻同吳香倫結婚，令他非常羨慕，再者近年他釋懷了很多事，上天安排他有這段「黃昏戀」。
魯振順更言待疫情過後便會舉行婚禮，更計劃大排筵席，部份人情可能會捐出做善事，總之一切交由女友負責，「成日話要幫我爭番口氣，唔好成日都話我係Gay！」
(點新聞記者陳惠芳報道)
收藏
取消收藏
分享
