陳惠敏、盧惠光、敖嘉年等今日（27日）到尖沙咀出席冰室開幕，現場有舞獅助慶，吸引不少人圍觀。
77歲的陳惠敏年多前中風兼患肺癌，不過昨日見他面色紅潤，精神不俗，說話中氣十足。他表示肺癌已康復八、九成，現時每月仍要覆診，因為沒有做運動，身形亦肥了少少，以往的體重有135磅，現時有140磅。他說:「一年前肺癌第三期，因為有做開運動，所以康復得快，依家會喺屋企附近行山。」問到可需要戒口？他指毋需戒口，他甚麼都吃。他謂自從患命後近兩年沒開工，西醫指他因為底子好，可以康復得快，問到患病時的心情？他坦白說:「當初好驚，因為我都算係一個運動家、拳擊家，中風後手腳都唔郁得，所以好驚，依家好返當然開心。」他透露年底會為亞視拍一部反黑電視劇，亦會做監製工作，問到可怕他辛苦？他笑說:「自己辛苦命，做慣嘢，唔做仲辛苦。」
另外，其女兒陳映諭（Didi）早前疑不忿父親被人利用呃錢 ，攜母登門理論涉襲擊及刑毀被捕，惹上官非。陳惠敏說:「冇事啦，罰咗500元。」
盧惠光出席擔任開幕嘉賓，他表示自己沒份投資，純粹來支持朋友。他又稱以前曾開過酒吧，但現時不會再投資了。育有兩名兒子的他，透露大仔下月便要回英國繼續升讀大學，問到可會擔心當地疫情？他說：「驚都冇辦法，佢仲有四星期就畢業，但佢哋冇畢業禮，個仔叫我千祈唔好去英國。」他透露大仔讀物理治療，在當地醫院實習完後，之後返港應該會入醫院再實習。問到兒子可有拍拖？盧惠光笑說:「我從來唔會問，我相信唔會冇，（接受個仔同外國人拍拖？）我冇所謂，佢鍾意就得，（就快做老爺？）尚早，有咗事業先。」至於細仔就讀中二，身高已有六呎二，比他還要高大，若細仔鍾意亦可能會過英國讀書。
敖嘉年表示因為餐廳老闆是前無綫監製，兩人識於微時，故前來捧場，稍後會跟對方拍一個電單車節目，但因疫情及他還要拍攝電視劇及電影，故節目延至明年才拍攝，他說：「會由香港駕駛電單車到內地，暫時先去廣東省，希望之後可以去到絲綢之路，預計要拍個幾月，趁後生仲有體力就做，因為日曬雨淋要辛苦，要開始鍛練吓體能，呢個唔係旅遊節目，會有個主題去講。」
嘉年坦言不敢投資，因為本身好蠢，初入行時靠聽貼士跟人買股票，結果輸了四千幾元，就算過年玩魚蝦蟹輸了二百元都肉赤，所以自己不能靠橫財。
（點新聞記者梁靜儀報道）
收藏
取消收藏
分享
