任達華(華哥)、邵美琪(Maggie)、張兆輝、洪天明、陳靜、林雪及導演羅守耀等，今日（21日）到荃灣出席電影《被消失的凶案》開鏡儀式。
多年未有合作的華哥與Maggie再次碰頭，Maggie飾演重案組督察，而華哥飾演其上司，二人都暫未知可有對手戲。說到二人在杜琪峯(杜Sir)執導的電影《PTU》演出深入民心，華哥表示很多朋友知道他跟Maggie合作，都有問起她。Maggie也覺得很多人對《PTU》有好深印象。
華哥笑指再見Maggie，好開心她的狀態回勇，並大爆當年拍《PTU》因為Maggie而要停工十幾日而印象深刻：「當年《PTU》一拍就拍咗三年，杜Sir拍完第一年就停咗工，到復工再見到Maggie就好嬲掘住佢講『你返去唔准食飯，十幾日後再返嚟。』，因為佢豐滿咗好多，唔連戲，逼爆晒件制服，所以停工十幾日就係為咗Maggie。」Maggie指當時不覺得是一回事，不過那次令她的得着是學識了做演員要保持狀態，要好像華哥般經常保持狀態。華哥就指有時候杜Sir的執着，令演員會有不同的啟法。他又笑指挺着大肚腩的林雪過份唔健康，應該要去行太平山，並希望他多做運動。Maggie就提議林雪應先去做身體檢查先，覺得這樣較緊要。問到Maggie今次可要着制服演出？她笑說：「今次唔使着制服，但覺得着咗制服嘅感覺唔同啲。」
已有兩部電影在手的華哥，透露手頭上還有兩部電影未開鏡，其中一部戲是演CID，他很開心及好難得可以在香港拍戲，又可以陪伴家人。
張兆輝表示大家都休息了一段時間，很多謝導演羅守耀讓大家有機會聚在一起，新一年大家都有工開，令影圈蓬勃。片中飾演一名老差骨的他笑指今次的難度在於演繹上不能如以往般有形威猛，還要為角色增磅，「今次無得chok，導演要我食肥啲，等個身形漲少少，所以由初一至今，我日日早、午餐都食蘿蔔糕，依家重咗幾磅，不過老婆見到我個肚腩就會話：『你睇你依家在似咩？個肚腩搞到咁樣？』所以真係很辛苦，導演要我肥，但老婆就想我瘦，我只能話係角色需要，會就住。」
談到他早前在內地拍攝一場開槍戲時，因霰彈槍槍聲過響令耳部受傷，需立即送院接受醫治。張兆輝表示已沒有大礙，只是頭幾日感到頭赤，但現在已好了很多，亦沒有再出現耳鳴，有了今次經驗，下次都會帶耳塞較穩陣。
洪天明表示其角色會爛面兼患有類風濕關節炎，他自嘲說：「因為天氣加埋日日戴口罩，自己都有少少爛面，每日化妝都要化2、3個鐘，落妝又一段時間，都擔心化爛面妝時令皮膚敏感。」天明與陳靜在戲中會有感情戲，他表示二人認識多年，但今次才正式合作，問到可有親熱戲？他說：「本來話有，但唔知老婆(周家蔚)知道會唔會極力反對，所以未知有冇。」近年天明主力在內地發展，除了幕前演出也有開設媒體公司，他透露近日又正籌備推出「洪家班」保健品，預計稍後會更多時間在內地逗留，但未必找爸爸(洪金寶)做代言人。早前在內地逗留了八個月的他，坦言老婆為此多次大發雷霆，但為了搵食也無辦法，他也希望疫情盡快過去可以自由進出香港及內地。
對於好友曾志偉近日出任無綫副總經理，天明指對方於公布前一日已告訴他：「咁有適合嘅我都會返去幫手，畢竟都離開咗無綫2、3年，如果志偉叫到相信好多兄弟姊妹都會返去幫手。」
陳靜透露片中經常要被老公何華超虐打，另一方面又與天明有感情線，她還有一名8歲大兒子，絕對是演技大挑戰：「今次我幾乎場場都畀人打，有啲位冇法就只能真打，呢個在所難免，唔知點解我成日演啲好慘嘅角色，今次仲慘啲。」
（點新聞記者梁靜儀報道）
收藏
取消收藏
分享
