由何超儀投資、陳子聰監製及奧斯卡金像導演Mike Figgis執導的荷里活電影《Mother Tongue》今日（17日）舉行開鏡儀式，影片原定在美國拍攝，因疫情關係遂移師香港，為同業提供就業機會，而多位有份演出的外地演員，由於正在隔離當中，故未能出席。
開鏡儀式於將軍澳邵氏影城舉行，導演Mike Figgis亦有入鄉隨俗上香拜神，現場並安排舞獅助興，超儀主持點睛儀式，之後和老公陳子聰齊向導演拜年𢭃利是。儀式後三人一起接受訪問，超儀表示跟導演Mike Figgis早於十多年前就認識，導演愛拍攝暗黑慘情戲，而導演今次是被她與老公的誠意打動來港拍攝。
超儀透露影片是一部懸疑藝術片，節奏明快，令人睇完之後會反思的電影，是關於扭曲家庭道德，戲中她更會首次一人分飾兩個神祕角色，挑戰很大。由於疫情關係，影片原定於美國拍攝，最後移師香港。超儀笑說:「導演係好實驗式，唔介意來香港玩，原本影片係加州開鏡因疫情影響都做不到，我哋沙膽向導演提出係香港都有辦法拍到加州風味，所以都幾揼本，係邵氏最大嘅廠搭建一間巨屋，同埋我哋向導演力薦嘅都係有料嘅香港電影人，對方亦相信並孤身嚟香港，佢都想一試做香港電影製作人，而香港製作人亦好想跟導演學習，多謝導演肯嚟香港，令電影同業有工開。」她又稱導演去年10月已來港為拍攝影片作準備。導演Mike Figgis就表示好的故仔無論在哪裏拍攝也可以，最近因為國際疫情，他覺得在香港拍攝比較安全。
影片改編自著名小說家及編劇家Bruce Wagner 的小說《The Marvel Universe》，並由Bruce Wagner親自撰寫劇本。其他演員包括剛與Johnny Depp合演新片的Minami、Julian Sands、Tomoko Nawata及金燕玲等。超儀表示揀演員方面一直都有跟導演商量，導演亦讚她有眼光:「因為我哋演員無辦法嚟港試鏡，所以casting都係靠zoom做。」
被問到投資金額，全力投資影片的超儀說:「要拍完先知，影片會拍攝一個月，喺香港拍攝相比喺美國便宜三分二，但都冇得鬆手啲，不過因為冇其他投資者，令我冇壓力，拍攝上自由啲，(會否希望在今年內上映?)唔夠膽呀，要睇時勢，等我去勻晒所有影展先，可能係明年。」
（點新聞記者梁靜儀報道）
收藏
取消收藏
分享
