由玄學家麥玲玲和林盛斌（Bob）一同主持的邵氏製作新一輯節目《Master's Talk師父有請》第二集邀請到馬國明、黎諾懿和胡鴻鈞三大男神坐陣，而今集主題是「旺夫旺妻」。
麥玲玲說圈中不乏旺夫之人，包括黃杏秀、蔡少芬、孫儷、汪詩詩等等，她表示富家子弟對「旺夫」有一定執着，如果剋夫的話，幾鍾意都不會娶，但若果旺夫的話，就算一般鍾意都會結婚。
提到富貴人家，黎諾懿推給馬國明：「講開有錢人就梗係馬國明，三個之間最有錢係佢，佢點會擔心旺唔旺，我哋呢啲窮等人家邊有得揀。」馬明聽了一臉無奈。當胡鴻鈞被追問有沒有拍拖時，他即尷尬說：「我真係唔知今日講呢啲，我以為講事業，不過我唔係好相信旺唔旺夫，好多嘢都應該互相磨合，最緊要係同對方性格夾。」
已婚的Bob和諾懿借機會不斷大讚老婆，Bob說：「老婆真係旺我。」諾懿則說：「老婆簡直係賢內助啦，識咗老婆之後，運勢一路好，尤其個仔出埋世之後更好，有師傅話我哋屋企連珠，我需要水，我老婆係水，（旺你所以更愛老婆？）梗係唔係啦，我由頭到尾都好愛我老婆，好似初戀咁。」
麥玲玲指馬國明一向異性緣強，而且從來都不是主動一方，她經常聽過不少女生的期望，指陳豪未結婚前是圈中最大荀盤，先揀陳豪之後就係到馬明，指馬明是值得嫁完再嫁的男人，馬明說：「我唔覺喎，我同胡鴻鈞想法差不多，大家夾自然會少啲拗撬，咁樣已經好。我感情事唔會影響工作，曾經試過有啲性格唔啱就會鬧交，冇話邊個唔啱，過去咗就冇問題。」對於一見鐘情，馬明表示自己未試過，每段感情都是相處一段時間之後，才開始發展。
至於黎諾懿認跟太太是一見鍾情。問到有個富裕老婆是否有壓力，諾懿直言：「我識我太太時已經冇乜理屋企生意，佢交畀哥哥理，只係做副線生意，好少參與屋企業務。」
麥玲玲問到三位會否介意成為「駙家」時，手指不小心指向黎諾懿，諾懿笑言：「你拍呢邊做咩？我白手興家呀喎！」麥玲玲續言指曾經有富豪的女兒指很喜歡馬明求介紹，馬明說：「咁你唔介紹我識？」麥玲玲解釋：「咁聽聞你有少少悶嘛，不過佢冇阿湯（女友湯洛雯 )咁靚。」由於上集湯洛雯在訪問中提到不斷被傳媒催婚，但男方一直都沒開口，令她非常尷尬，對於女友揚言用視帝獎來換結婚，馬國明說：「佢都係講笑啫！我結婚就話畀你聽啦！」麥玲玲看一看手機上馬明的命格，即時指馬明好大機會先有後婚，全場即時起哄。馬明說：「我覺得呢個機會微啲，應該唔會中咗先結婚，希望係結咗婚先有BB，咁我每一次拍拖都係向結婚方向諗，因為我好現實嘅人，唔結婚的話，拍拖係好浪費時間，你知我哋開工成日都冇得瞓。」麥玲玲指今年4至6月是良辰吉日，叫大家儲定人情賀馬明。
（點新聞記者陳惠芳報道）
收藏
取消收藏
分享
