王梓軒近視達七百多度,日前他才下了決定做矯視手術，並拍片作為紀念。未入手術室時，梓軒話：「今日好緊張，我今次做smile個手術，比起Lasik新啲，我戴眼鏡二十幾年，戴con都戴咗好耐，之前拍劇、做運動都唔方便，拍劇拍得耐雙眼都會乾，又成日驚拍劇要打鬥、跳海或者大風甩咗隻con，所以把心一橫做手術。」
梓軒見完視光師及醫生驗眼後，穿上防護衣並戴上手術帽，戰戰兢兢的進入手術室，smile矯視手術大約15分鐘完成，接着加多一個「角膜交聯術」，可以鞏固眼角膜，兩個手術全程不多於半小時。
手術成功後，梓軒在休息室休息時表示：「我依家感覺好似有好淺嘅近視，並灌了牛奶入眼裏，奶昔布咁，有少許矇矓，但比我冇戴眼鏡好好多了，簡單啲講就似發了一場夢。醫生真係處理得好好，其中有一part，我舒服到瞓著咗，依家我可以重見光明。」
（點新聞記者陳惠芳報道）
收藏
取消收藏
分享
