薛家燕、馮盈盈、林盛斌 (Bob)、張秀文、區永權及堪輿學家李丞責、麥玲玲、楊皓雲、陳定幫昨日（1月31日）出席於將軍澳電視城舉行的《天天開運王》 記者會，會上區永權透露其中一集李居明師父更會親自到關之琳府上睇風水。
李丞責日前宣布老婆劉倩婷懷有第二胎，快將再為人父的他即場向家燕姐逗利是，笑言一家四口靠晒她的大利是，又謂下半年要跟家燕姐登台搵食。家燕姐表示跟李丞責合作很開心:「佢好幽默搞笑，唔難得怪老婆咁鍾意佢，所以即刻又生多個，要兩夫婦恩愛先有得生多個。」李丞責笑言因見到家燕姐開心才講笑，他返到屋企就好嚴肅，因為不可以亂說話。問到老婆懷孕後性情可有大變？他笑說：「老婆脾氣好咗，因為佗B講嘢唔可以大聲，我跑得快過佢，同埋我煮好多嘢畀佢食，佢食嘢時特別溫柔。」被問到可知道BB性別？他說:「我就知道，但未必百分百準確，好似口罩咁99%，而且我哋冇去照過，等出世時至講。」
李丞責又批家燕姐流年桃花旺:「家燕姐屬虎，牛年係『紅鸞入命』，緣份從天而降，而家燕姐咁年輕，分分鐘有咗都仲得呀！」家燕姐即笑說：「我已經食咗『靜心』，嗰方面（指生育）收咗工㗎喇，我唔緊要，最希望屋企有喜事。（心急大女珊珊結婚？）希望有喜事啦，自己啲喜事就收埋啦。」
馮盈盈由年頭忙到年尾，她認為是好事，希望新一年更加忙，事業更上一層樓。問到會否想減少是非？她說：「都想少啲是非，節目內都有請教師父點樣化解，呢個世界冇嘢化解唔到，佢啲話我新聞多係好事，有人氣同Talking point，我可以好自信咁講，永遠有我啲新聞，瀏覽度、討論度、share、like都特別多，多謝大家關注。」
對於被指是「新一代姣精」？盈盈則說：「話我係唔等於我係，(覺得哪位『勝任』這個稱號？)冇一位勝任，(可有請教玄學家新一年可有正桃花?)我主要問事業， 桃花運隨緣，依家好享受單身生活。」說到他的前度醫生男友鍾浩文日前結婚，盈盈大方祝福舊愛說：「祝福佢哋啦，除咗祝福都係祝福，(可有傳短訊祝福對方？)我工作比較忙，年三十晚、大年初一又會同家燕姐、汪阿姐多位阿姐合作做節目，好開心。」
（點新聞記者梁靜儀報道）
收藏
取消收藏
分享
