朱慧敏（Queenie）早前宣布與養和醫院心臟科專科醫生陳良貴（Jason）結婚。新婚一周，Queenie昨晚（1月31日）在facebook開Live分享新婚經歷，老公更出鏡支持。
Queenie以英文名Jason稱呼老公，Jason叫她陳太。夫妻兩互動甜蜜，Jason更輕撫搭太太肩膊，大騷恩愛。Queenie說：「我本身冇打算影pre-wedding，想喺疫情之後再影返，但Jason有日話想有紙板公仔，之後搵到好多朋友幫手一齊搞。」她又說，知老公工作忙，打算獨力籌備，但老公不讓她做，Jason說：「我唔想太太太過勞累，始終一生人一次。」Queenie補充說：「Jason沒有請假，每次都是在工作完成後才抽時間影相、傾pre-wedding詳情，更試過傾到凌晨兩、三點。」
Queenie化身陳太，她說仍需時間習慣，又多謝老公：「我都感謝有呢啲福氣成為陳太，陳家上下對我都好好。我說服緊奶奶同我一齊開Live，佢煮嘢好叻，對整潔好有要求，但好輕易完成呢啲要求，我非常願意學，想說服佢開班。」
直播中Queenie又分享了新婚翌日的片段：Jason在酒店房徘徊，又對鏡頭說：「結婚第一日，where is your ring？第一日你就唔知戒指去咗邊。」Queenie解釋，當日將老爺送的傳家之寶戒指及婚戒給了Jason，記得Jason將戒指放了在西裝褸袋，翌日問老公「我隻戒指呢？」結果Jason誤會以為不見了戒指，他又說：「我嗰隻戒指而家放咗喺屋企，用戒指盒裝住。」
Queenie又感激老公一直支持她讀書，又不因她是圈中人而卻步。Jason說：「人無分貴賤、職業，最緊要係大家互相尊重。」他又被朱慧敏踢爆是小fans，原來以前做實習醫生時正在播《畢打自己人》，睇電視覺得「呢個女仔好得意」，Jason又讚朱慧敏現時成為了臨床催眠治療師，幫助到好多人。最後她說到奶奶喜歡看《珠光寶氣》，所以她望再有機會拍劇，然後帶奶奶入片場觀摩。
（點新聞記者陳惠芳報道）
收藏
取消收藏
分享
