男子組合C AllStar在2017年舉行完紅館演唱會後便休團。今日（28日）四子為ViuTV音樂節目《Chill Club》錄影，宣布正式重組，並會有新歌《集合吧！地球保衛隊》推出。
成員之一的陳健安（On仔）表示去年組合十周年時想過有搞作，又搞了一個虛擬紅館騷，但當時各自有工作，未是適當時機合體，到踏入新一年各自都出了新碟及新歌修練完， 覺得是時間走返埋一齊做歌。
梁釗峰笑說：「因為今日不知明日事既感覺好重，所以不如就似新歌歌名一樣集合吧，同埋一個好簡單信念，就係團結比起一個人嘅power大。」
四子再次合作，吳崇銘 (King)直言感覺唔同晒，On仔對此亦很贊同：「 因為大家出面玩咗段時間，有自己開心嘅天地同埋價值觀，自己形成咗個單飛comfort zone ，依家好似又要再去磨合，所以uncomfortable， 未係舒服晒。」何建曦 (Jase)就搞笑稱自己囂張了。
King 認為雖然各有想法，但有時為了件事都會平衡大家的想法，畢竟是組合，定會遇到這些問題。
另外，談到ViuTV有意於四月舉行音樂頒獎禮，C AllStar開心樂壇多一個頒獎禮，On仔說：「我好鍾意頒獎禮，尤其係睇住人哋得獎好感動，由細到大只要有頒獎禮我都會睇。」 說到ViuTV自家一班歌手很強勢，釗峰認為是好事：「 強勢咪好，成個樂壇最重要係強勢，樂壇又豐富咗，大家都好。」
（點新聞記者梁靜儀）
收藏
取消收藏
分享
