陳國坤、敖嘉年、陳國邦及郭奕芯等昨晚（23日）到尖沙咀出席電影《拳道》首映禮，近日新冠肺炎疫情出現反彈，確診數字達到雙位數，然而戲院場內仍不設人流管制，首映禮舉行範圍內更擠滿人群，一班演員與嘉賓暫時脫掉口罩影大合照，防疫意識甚低。
當日適逢是郭奕芯25歲生日，工作人員送上生日蛋糕為她慶祝，眾人又齊唱生日歌。郭奕芯笑言過了25歲以後，為免尷尬應該不會再公開自己的年齡。她謂生日無特別慶祝，算是在工作中渡過。
問到生日願望是否想拍拖？目前單身的她說：「想呀，想揾個好男人，但好難，而家工作先， (工作環境沒有好男人？)唔係無，要時間相處過慢慢至知揾。」她自爆對上一段感情在兩年前結束，大家因了解而分手，前度是圈中人，但對方身份就堅拒透露，亦唔想講太多，似在幫別人宣傳。她謂再找男友，對方圈內圈外人都無所謂，真誠才最重要，但慨嘆揾個真心的相當困難。
敖嘉年近日重返TVB拍劇，拍攝時裝劇《欺詐劇團》，跟鄭丹瑞 (旦哥)、蔣家旻等合作，劇中他飾演導演，為此更留鬍鬚，他笑言劇中的角色雖然呃人，但是劫富濟貧，他大讚旦哥在拍攝期間提供很多笑料。敖嘉年又透露劇中會跟蔣家旻有感情線，笑言都想有多點感情戲。
陳國坤（小龍）自言最近剛「失業」，他笑說:「我都係啱啱返香港，近日剛完成隔離至可出街，下個月就會返內地開工，已經四個幾月無返屋企， （囝囝認唔認得你 ？ ）我化灰佢都認得我，個仔見到我不知幾開心，因為媽咪(黃伊汶)管教嚴厲，我返嚟佢可以做媽咪唔畀佢做嘅嘢，好似食朱古力、唔瞓覺。（你會唔會縱容個仔啲壞習慣？ ）其實個仔反而知道我好錫佢，平時都係我陪佢打雙節棍、踢沙包、練拳，佢兩歲已經開始學，不過媽咪就鍾意佢學彈琴。」為了令兒子肯學彈琴，他更陪兒子一齊學，本身識彈結的他，直言最困難是學習樂理。
（點新聞記者 梁靜儀報道）
收藏
取消收藏
分享
