政圈「袁氏一家」成員各有不同政治光譜，噚晚 (19日) 播出嘅節目就以「細妹」袁彌明「為主」訪問咗呢家人，在片中新民黨立法會議員容海恩形容自己為愛國愛港的建制派；「老公」袁彌昌自稱中間派；「袁爸爸」袁弓夷就話自己「黃到金」；而大女兒袁彌望、小女兒袁彌明和丈夫林雨陽都係「黃絲」。容海恩說︰「嫁之前都知我係建制派啦。」過去與袁家上下相處，大家都有共識不談政治，即使聽到他們討論政治，她亦不會參與，會去斟茶避席。
自去年7.21後，袁氏一家已甚少家庭聚會。身在美國「打國際線」的袁弓夷認為，自己同新抱各自立場都唔會改變，「佢遲早同我撇清關係，正常嘅，我唔會怪佢」。而袁彌明在訪問中明顯表現得極「小家」，話明最憎新民黨及最唔想見到啲「藍絲」，並武斷地認為响呢件事上，立場企對面嘅係是非不分、埋沒良知喎。「阿嫂」容海恩則隔空回應：「我會覺得佢嘥氣，講乜鬼良知，我無良知咩？我覺得你嘅良知係錯」。但同樣身為「黃絲」的「大家姐」袁彌望表達就大方得多，對容海恩的評價很正面，稱她「很有敎養」、「就算袁家在談論政治口沫橫飛時，她亦會微笑坐在一旁，這點你不能不佩服她(氣量)」。
容海恩和袁彌昌於2018年結婚，兩人育有兩名女兒，袁彌昌在訪問說，女兒所用的蠟筆中，已沒有黃色，「唔知飛曬去邊度，曾經係有過，最緊要唔好影響到佢（指住女兒）。」
《點新聞無懼打壓 繼續發聲》
歡迎到 Apple/Google play store 下載 「點新聞」app 或直接進入點新聞網站瀏覽最新最準的新聞資訊：
www.dotdotnews.com
使用其他社交媒體訂閱點新聞
YouTube: youtube.com/c/dotdotnews點新聞
Telegram: t.me/dotdotnews
Instagram: instagram.com/dotdotnews
收藏
取消收藏
分享
