點新聞 ｜ 每日點新聞 點解香港事

油麻地劇院早前因疫情關閉多時，今日（10日）終於得以重開。香港八和會館「粵劇新秀演出系列」將在首日上演，該系列藝術總監阮兆輝和尹飛燕、謝雪心更現身支持。

輝哥表示，由今年1月開始，斷斷續續封館已9個月，現可以重開劇是好的開始。但他又嘆起班成本大，真是好難做。他更言行內以日薪計酬，停工9個月，等於9個月零收入：「有些人都轉行，反之我們是專業，大家睇到是最危險。睇唔到的幕後人員，替佬倌着衫都是專業，找其他人做也不是即時做到，人才流失損失好大。」

而心姐則指，2003年沙士疫情期間，粵劇界至少仍可以演神功戲，但這次連神功戲亦取消，對業界的生計影響很大。

輝哥又表示，下星期開始，將舉行網上籌款義唱，謝雪心大讚這一舉動是破天荒且與時並進。輝哥說：「我們全行人都自救緊，希望政府盡快重開場館、賣返飛。我個人覺得，邊度有事就做工夫，買飛都可以實名。如果真係有事，大家咪再做工夫囉！因為現在對我這行影響好大，希望政府可以考慮，見招拆招。」

輝哥太太鄧拱璧早前曾中風入院。當問及太太現時狀況時，輝哥話：「OK嘅，幸好救得快，而家可以說話，係慢啲，慢慢康復緊。她行動自如架，現在西藥、針灸，三管齊下。」