有一名網民「Kristy Lau」日前喺 Facebook 專頁「沙田之友」大呻，喺黃店「越男仔」買嘅$100優惠券，寫明不設最低消費、冇寫使用時段，亦無交代一次可以用幾多張券，其他優惠可唔可以同時使用，但懷住撐黃店嘅心態，都決定同阿媽去幫襯。事主入座後先發現優惠券只適用於晚市，雖然已經喺夜晚對事主嚟講冇咩影響，但當佢問侍應喺咪可以用優惠券時，對方一睇就話要打電話問下老闆收唔收優惠券，激到事主即刻逐條條款同侍應對質。經過一番糾纏，「越男仔」嘅老闆最終「開恩」准用優惠券，但今次係最後一次，如果事主想一次過用晒4張優惠券，就要先惠顧滿$800，否則只能用2張券，而且用優惠券就冇得用其他優惠，嗌嘢飲都要畀返正價。最終，事主點唔夠$800就蝕咗兩張優惠券，仲喺Facebook不停唱衰呢間黃店。當事主喺Facebook 問報消委會同海關有冇作用時，有網民就叫佢一有證據就舉報。該網民說，已經違反咗《商品說明條例》嘅誤導性遺漏、不當地接受付款，呢啲已經唔止「黃藍」問題，快啲影齊啲收據。
收藏
取消收藏
分享
稿件由上傳 · 文責自負 · 不代表本網立場
