藝人宣萱、陳豪、滕麗名、許紹雄、洪永城、鄧佩儀等昨晚（9日）齊齊於將軍澳電視廣播城出席TVB年度重頭新劇《陀槍師姐2020》開鏡拜神，場面相當熱鬧。
宣萱和陳豪一同受訪，笑言今次拍攝非常輕鬆：「相比起羅仲謙佢哋打戲連場，我哋真系好舒服，而且主要喺室內嘆冷氣，辛苦嘅當然留番畀啲後生做。」陳豪就好鬼馬地補充道：「我哋都辛苦，笑得好辛苦，不過呢啲歡樂系我哋用多年嘅血汗挨番嚟㗎！」
可以跟老搭檔陳豪再度合作，宣萱都好興奮。她還自爆上次與陳豪合作《使徒行者2》時，對方還「導」她飲咖啡，到這次合作，她終於戀上咖啡：「同陳豪講要去佢鋪頭，順便幫佢督促店員開工。」
疫情令到很多行業都好大壓力，藝人亦因沒工開感到非常苦惱。宣萱就好開心可以拍到這部劇，而在疫情期間拍攝的特殊經歷也令她非常難忘。宣萱笑言，「呢套劇2月開工，之前我哋幾個各自開飯，用應用程式喺網上見面，一餐飯食足3個鐘，不過都慶幸呢段時間有工開。」
收藏
取消收藏
分享
稿件由上傳 · 文責自負 · 不代表本網立場
