（有片）Twins關智斌啟德互爆金句 阿Sa「人妻梗」掀高潮
【點新聞報道】「25+英皇群星演唱會」一連兩日演出，昨晚（4日）在啟德主場館圓滿落幕。第二晚演出，由Twins的阿Sa（蔡卓妍）與阿嬌（鍾欣潼）打頭陣，關智斌（Kenny）接力，三人勁歌熱舞後，更在台上互爆趣事，笑聲不斷。
阿Sa入行多年百感交集，回憶17歲簽約公司至今。不過話未說完，Kenny即插嘴：「做埋人妻啦！嫁埋啦！」全場即時歡呼，阿嬌和應：「可喜可賀呀！」阿Sa哭笑不得：「喂呀！係咪日日都要Cue呢句㗎？」
三人話鋒一轉，齊齊多謝英皇娛樂金牌經理人霍汶希（Mani）。Kenny自嘲當年「岩岩巉巉」，頭髮「一支支插晒出嚟」，阿嬌補刀：「同埋好瘦㗎嘛，骨瘦嶙峋咁樣。」阿Sa聞言大讚：「骨瘦嶙峋！好勁呀你啲中文！」阿嬌得意回應：「梗係啦！」
Kenny不甘示弱，反攻阿Sa：「你都唔差呀，由11吋pizza（面）而家變咗7吋pizza（面）。」阿Sa笑住認：「大pizza變細pizza。」Kenny正想「點評」阿嬌，阿Sa即護航：「佢冇嘢㗎，佢由細靚到大㗎！」阿嬌卻大爆，「你知唔知Mani每一日打電話嚟話：『嬌，減肥呀，阿嬌，記得減肥呀。』」此時阿Sa與Kenny齊聲拋出金句：「正所謂肥過瘦過冇醜過！」全場即歡呼大表贊同。
首晚台下觀眾星光熠熠、名人雲集，第二晚同樣吸引眾多嘉賓出席，包括霍震霆、霍震寰、李家誠伉儷、譚耀宗、容永褀、趙國雄、黃少媚、譚智輝、邱浩波、謝偉俊、譚志源、葉傲冬、陳國強、黎韋詩、梁伯韜等政商界人士。娛樂圈嘉賓則有狄波拉、許冠文、陳淑芬、陳欣健、黃子華、蔡一智、蘇永康、陳茂賢及連詩雅等。
此外，英皇集團主席楊受成博士、副主席楊政龍、英皇娛樂行政總裁張雅麗、營運總裁霍汶希，聯同楊氏家族成員、一眾英皇娛樂的資深及新生代演員亦拉大隊出席，看足全場，包括兩位影后惠英紅、劉雅瑟；影帝方中信、歐陽震華、陳家樂；以及米雪、石修、溫碧霞、周家怡、陳國邦、周勵淇、湯怡、楊天宇、何佩瑜、李靖筠、艾妮、劉若寶、郭思、朱天、阮雅、鄭嘉欣（Christine），還有內地藝人林秋楠、梁壁荧（Biky）、戰金意、林涵、王心垚（三土）等。
相關閱讀：
