港女$71嗌外賣落錯單「買空氣」　幸遇暖心車手與餐廳搭救

【點新聞報道】不少人都會愛用手機應用程式叫外賣，近日一名女生在使用Keeta點餐時，沒有成功選擇任何食物，卻選擇了餐具，並且選擇「不需餐具」，結果支付「與最低消費的差價」及運費共71元。雖然落錯單「買空氣」，但幸得好心外賣員與良心餐廳幫忙，才有返個餐食。

有網民日前在社交平台threads發文，分享女友人一個「搞笑經歷」，指對方日前透過外賣平台Keeta叫外賣，等了好耐後，收到外賣員電話表示「張單要等好耐，唔等」。

女生感到十分生氣，於是再聯絡平台要求退款，其後再有另一名講廣東話的外賣員致電她，她向外賣員表示好餓、要求盡快送餐，外賣員聞言不禁一呆，遂協助她與店家對話，但原來女生只支付「與最低消費的差價」及運費，沒有點餐。幸好，最後外賣員和餐廳也為女生送上一份餐點，「車手話，小姐我冇呃你㗎，你睇下張單，你淨係嗌咗個餐具」。

樓主上載女生當日的單據，「睇翻個order嚴格啲嚟講佢係連餐具都冇買，淨係俾咗個min pay差價」。樓主並大讚該餐廳真係好好，「餐廳聽到我fd好急切好餓咁就整個餐俾佢，所以我先話間餐廳好好」。

不少網民都大讚外賣員和餐廳，「車手同餐廳都好醒目」、「間餐廳要開名表揚」、「餐廳好好呀，直程免費送個餐俾你食」「lucky you有返個餐」、「Keeta賺你71蚊，咁間餐廳咪白做俾你」。有網民提醒下單前要檢查清楚，「唔明點解成日有人落單之前唔check單，我每次都會翻Check自己有冇嗌錯嘢先俾錢，俾咗錢之後再翻check」。