2男女涉7-11偷竊遭休班警制服　港男現場目擊大呼「嚇死人」

【點新聞報道】恍如置身電影場景！有港男日前於旺角朗豪坊直擊，有女子疑於7-11便利店偷竊，遭職員追截，女子的男同黨突然出現嘗試幫忙逃脫，三人拉扯之際，一名男便衣警員衝出將男同黨按在地上，港男大呼「嚇死人」。

該名港男在本周二（4日）晚於社交平台Threads發帖憶述當時情況，「嚇死人，頭先去旺角食飯，一落車嘅時候見到個7-11職員，捉住咗個女人。」由於樓主戴了耳機，聽不到他們在說什麼，但「拉扯之間差啲撞埋嚟勁驚」。

樓主隨後知道發生偷竊案，「原來係職員話佢偷嘢，女人個同黨即刻扯住個女人幫佢逃脫，正當喺人群中拉扯嘅時候，有位便衣警員即時衝咗出嚟撳低咗個男人，叫職員報警」。此時，涉嫌偷竊的女子「話俾返錢」，「警察話而家唔係俾唔俾錢嘅問題啦已經！」樓主形容：「有一剎那，以為自己喺電影場景入邊，因為呢件事就發生喺你隔籬。」

帖文引來不少網民留言，「個女人講『俾返錢』畀差佬聽，即係認咗有偷嘢」、「7-11職員真係好盡責同勇敢，其實好多老闆都建議職員唔好去追賊，以免佢哋受傷」、「嗰間七仔成日都俾人偷嘢，成日見經理過嚟跑去」，有網民則提醒「店舖盜竊是刑事罪行，最高刑罰入獄十年，切勿以身試法 」。

警方發言人回覆傳媒表示，2月4日晚上7時52分接報，旺角砵蘭街近朗豪坊一間7-11便利店遇竊，警方到場前有休班警協助制服，警方拘捕一名45歲女子和一名50歲男子，兩名疑犯在便利店內涉嫌盜取總值688元貨物，當中包括化妝棉、斜揹袋及止痛貼等，案件暫列作盜竊案處理。