（有片）臨時決鬥｜童星有特權　古天樂任搣面頰

【點新聞報道】賀歲電影《臨時決鬥》，由《臨時劫案》導演麥啟光率領古天樂、梁詠琪（GiGi）、王丹妮、周秀娜、胡子彤、伍允龍、王尹菁等演出，並1月28日（大年廿九）隆重上映。

古天樂、梁詠琪及王尹菁在片中演一家三口，在《九龍城寨之圍城》飾演魚蛋妹的王尹菁，今次在戲中與古仔演父女，古仔在戲裏戲外皆特別照顧菁菁，令她特別入戲，在排戲時，菁菁要出手搣古天樂面珠顯得尷尬，導演指導菁菁說：「用啲力，你驚整親佢呀？幾多人想搣佢搣唔到啊﹗」古仔亦給菁菁信心：「大力啲，兩隻手搣會唔會好啲呀？」在旁的GiGi亦向菁菁示範如何搣古仔面，並說：「唔使驚嘅﹗」胡子彤則叫菁菁放膽用雙手搣自己老闆古天樂，最後菁菁終順利完成。

古天樂與梁詠琪演夫妻，古仔更為周身瘀傷的老婆GiGi細心捽跌打酒散瘀，在老婆得意時又攬攬示愛意。GiGi在戲中飾演計劃復出娛樂圈女星，可惜被視為中女，弄出連場笑話。之後努力轉型動作女星，GiGi與胡子彤認真排練，認真的子彤動用真力出拳，嚇得GiGi高呼：「好驚呀﹗」要用雙手護頭，又取笑子彤：「你可以唔使咁大力嘅﹗」子彤立刻點頭示意知道，不過在子彤使出應有的力度下，幫助GiGi倒地動作更加得心應手入戲，GiGi亦跌得相當投入欣喜。

（點新聞特約記者陳惠芳報道）